វេបសាយផ្លូវការរបស់កងទ័ពជើងទឹកចិន បានប្រកាសឲ្យដឹងថា ក្រសួងការពារជាតិចិន បញ្ជាក់ពីការចូលរួមរបស់នាវាពិឃាដសមត្ថភាពមីស៊ីលរបស់ខ្លួន នឹងចូលរួមប្រតិបត្តិការរួមគ្នាដំបូងគេបង្អស់ជាមួយមហាអំណាចរុស្ស៊ី នាដែនទឹកអឺរ៉ុប នៅសប្ដាហ៍ក្រោយនេះ។ បើយោងតាមសារព័ត៌មាន CNN បានចុះផ្សាយនៅថ្ងៃសុក្រ ទី២១ ខែកក្កដា ឆ្នាំ២០១៧។
ក្រសួងការពារជាតិចិន បានប្រាប់ឲ្យដឹងថា សមយុទ្ធរួមគ្នាជាលើកដំបូងសម្រាប់នាវាពិឃាដសមត្ថភាពមីស៊ីលប្រភេទ 052D destroyer Hefei បូករួមទាំងនាវាប្រឆាំងមីស៊ីល និងនាវារុស្ស៊ីប្រហែល ១០គ្រឿងផ្សេងទៀតផងដែរ។ ក្រសួងការពារជាតិរុស្ស៊ី បាននិយាយប្រាប់ថា ការបណ្ដុះបណ្ដាលនឹងរួមបញ្ចូលការធ្វើសមយុទ្ធការពារដែនទឹក និងអាកាស ដែលមានមូលដ្ឋានទ័ព នៅក្នុងទីក្រុង Kaliningrad ដែលត្រូវបានគេជ្រើសរើសជាទីស្នាក់ការកណ្ដាលសម្រាប់សមយុទ្ធនេះ។
ក្រុមអ្នកវិភាគ បានបញ្ជាក់ទៀតថា តំបន់នេះនៅតែជាប្រភពនៃភាពតានតឹងខ្លាំងឡើង រវាងរុស្ស៊ី និងសហរដ្ឋអាមេរិក ព្រមទាំងសម្ព័ន្ធមិត្ត ណាតូ ខណៈដែលនាវាពិឃាដថ្មីរបស់ចិន មានវត្តមាននៅលើដែនសមុទ្រអាល់ទិក៕
