មន្ត្រីពន្លត់អគ្គីភ័យម្នាក់ បានប្រាប់ឲ្យដឹងថា នៅវេលាម៉ោង ១២:០៧ ព្រឹកនេះ មានអគ្គីភ័យឆាបឆេះផ្សារទំនើប Camden ក្នុងប្រទេសអង់គ្លេស ដែលបណ្ដាលឲ្យភ្ញៀវទេសចរណ៍ មានការភ្ញាក់ផ្អើល។ នេះបើយោងតាមគេហទំព័រសារព័ត៌មាន រុស្ស៊ី(RT) បានចុះផ្សាយ។
រថយន្តពន្លត់អគ្គីភ័យចំនួន ១០គ្រឿង និងអ្នកពន្លត់អគ្គីភ័យប្រមាណ ៧០នាក់ ត្រូវបានបញ្ជូនទៅធ្វើប្រតិបត្តិការភ្លាមៗ ដើម្បីទប់ស្កាត់ភ្លើងឆេះរាលដាលបន្ត ទៅតាមជាន់ផ្សេងទៀតក្នុងផ្សារទំនើប Camden។ ក្នុងហេតុការណ៍នេះ មិនមានអ្នកស្លាប់ និងរងរបួសនោះទេ។
គួររម្លឹកផងដែរថា កាលពីខែមុននេះ មានអគ្គិភ័យឆេះអគារកម្ពស់ ២៤ជាន់ នៅភាគខាងលិចទីក្រុងឡុងដ៍ ដែលបណ្ដាលឲ្យមនុស្សប្រមាណ ៨០នាក់ស្លាប់ និងបានបំផ្លាញបន្ទប់ស្នាក់ជាច្រើន ខណៈដែលភ្លើងឆេះមានការរីករាលដាលយ៉ាងឆាប់រហ័ស។
សូមមើលវីដេអូខាងក្រោម៖
