យោងតាមសេចក្ដីប្រកាសព័ត៌មានមួយចេញពីទីភ្នាក់ងារសារព័ត៌មានរដ្ឋ ប្រទេស ចិន បានឲ្យដឹងថា ទីក្រុងប៉េកាំងបានសម្រេចបិទផ្លូវដ៏សំខាន់មួយកន្លែងនៅសមុទ្រលឿង ដើម្បីចាប់ផ្ដើមសមយុទ្ធទ្រង់ទ្រាយធំ ដែលមានរយៈពេលចំនួន ០២ថ្ងៃ គិតចាប់ពីថ្ងៃព្រហស្បតិ៍នេះតទៅ។
ប្រភពមកពីកងនាវាចិន បានរាយការណ៍បន្ថែមថា ចរាចរណ៍ចេញចូលផ្លូវទឹកទឹកនៅសមុទ្រលឿងទាំងអស់ត្រូវបានផ្អាកជាបណ្ដោះអាសន្ន ខណៈកងកម្លាំងរាប់ម៉ឺននាក់ ដាក់ពង្រាយនៅលើផ្ទៃទឹកប្រមាណជា ៤ម៉ឺនគីឡូម៉ែត្រការេ នៅជិនទីក្រុង ស៊ីងដា (Qingdao) ។
ការដំឡើងសាច់ដុំយោធាខ្នាតធំរបស់ចិននេះ គឺបានធ្វើឡើងក្នុងបំណងបង្កើនឥទិពលនៅលើតំបន់មានជម្លោះ ក្នុងអំឡុងពេលដែលកំពុងតានតឹងជាមួយប្រទេសដៃគូពាណិជ្ជកម្មធំៗ។ មួយវិញទៀតគឺដើម្បីអបអរសាទរពិធីគម្រប់ខួបលើកទី ៩០នៃការបង្កើតកងទ័ពចិន ដែលនឹងប្រារព្ធធ្វើឡើងនៅថ្ងៃទី០១ ខែសីហា ឆ្នាំ ២០១៧ខាងមុខ៕
