យោងតាមសារព័ត៌មាន CNN បានចុះផ្សាយនៅនេះបន្តិចថា អុីស្រាអែលបានដំឡើងកាមេរ៉ាសុវត្ថិភាព និងរបងដែកការពារ នៅច្រកចេញចូលដ៏សំខាន់មួយ ក្នុងទីក្រុងយេរូសាឡិម (Jerusalem) ភាគខាងលិចសមុទ្រមរណៈ ចំពេលដែលស្ថានភាពតានតឹងកាន់ខ្លាំងឡើងៗរវាងប៉ាឡេស្ទីន និង អុិស្រាអែល។
បន្ទាប់ពីមានអំពើហិង្សាមួយបានកើតឡើងរវាងក្រុមអ្នកតវ៉ា នៃប្រជាជនទាំងពីរប្រទេសនៅរបងច្រកចេញចូលប្រាសាទ Temple Mount ដែលមានទំនាក់ទំនងជាមួយសាសនាស្វីស និង Noble Sanctuary របស់សាសនាមូស្លីម កាលពីសប្ដាហ៍មុន រដ្ឋាភិបាលអុីស្រាអែលបាលបញ្ជាឲ្យដាក់កាមេរ៉ាសុវត្ថិភាពនៅកន្លែងកើតហេតុនោះ ដើម្បីងាយស្រូលក្នុងការការពារ និងបង្ក្រាបពួកគេ ជាពិសេសគឺរកមុខអ្នកណាដែលបង្កឲ្យមានហានិភ័យកើតឡើង ត្រូវចេញមុខមកទទួលខុសត្រូវ។
គួររម្លឹកផងដែរថា កាលពីសប្ដាហ៍មុននេះមានបាតុកម្មដ៏ធំមួយ ប្រឆាំងតវ៉ារវាងសាសនានៅទីក្រុងយេរូសាឡិម បណ្ដាលឲ្យប៉ូលិសអុីស្រាអែល ០២នាក់ និងជនជាតិប៉ាឡេស្ទីន ០៣នាក់ទៀតបានស្លាប់ ខណៈមួយចំនួនផ្សេងទៀតរងរបួស៕
