បុរសវ័យ ៣៤ឆ្នាំម្នាក់ ជាអ្នកធ្វើការក្នុងក្រុមហ៊ុនឯកជនមួយ បានរៀបចំគ្រោងថានឹងរៀបការជាមួយសង្សារខ្លួនរួចហើយ ក្នុងខែធ្នូខាងមុខនេះហើយ តែជាអកុសល រូបគេបានស្លាប់បាត់បង់ជីវិតចោលសង្សារដោយសារជំងឺឈាមកកក្នុងខួរក្បាល ទោះត្រូវបានបញ្ជូនទៅសង្គ្រោះនៅមន្ទីរពេទ្យខេត្តសុរិន្ទប្រទេសថៃ និងទៅមន្ទីរពេទ្យប្រទេសវៀតណាម ក៏គ្រូពេទ្យមិនអាចសង្គ្រោះបាន។ ហេតុការណ៍នេះបានធ្វើឲ្យ នាងដែលជាគូសង្សារសំណព្វចិត្ត មានសេចក្ដី អាឡោះអាល័យ រាប់ម៉ឺនសែនអាល័យ គ្មានពាក្យនឹងថ្លែងបាន។
យោងតាមម្ចាស់គណនីហ្វេសប៊ុកម្នាក់ (សុំមិនបញ្ចេញឈ្មោះ) បានបង្ហោះខ្លឹមសារសោកសៅ និងរូបភាព នៅថ្ងៃទី ២១ និង២២ ខែកក្កដា បានឲ្យដឹងថា បុរសខាងលើឈ្មោះ Chor Pannga (បញ្ញា) បានទទួលមរណភាពនៅពីយប់ថ្ងៃទី ២២ ខែកក្កដា ឆ្នាំ២០១៧។
ម្ចាស់គណនីហ្វេសប៊ុកខាងលើបាបបង្ហោះខ្លឹមសារស្នេហាចេញពីបេះដូង ដ៏គួរឲ្យអាល័យ ខណៈដែលនាងបានកំដរបុរសជាសង្សារខ្លួននៅមន្ទីរពេទ្យ បានធ្វើឲ្យចាក់ដោត បេះដូងមិត្តភក្ដិក្នុងបណ្ដាញហ្វេសប៊ុកមានសេចក្ដី អាណិតនារីរូបស្រស់ ស្មោះស្នេហ៍ និងសុភាពរាបសារ ថែមទាំងមានចិត្តល្អ តែងជួយដល់មិត្តភក្ដិ និងមនុស្សទូទៅ ពិសេសទុគ៌តជន។
នៅក្នុងនោះផងដែរ អ្នកដែលធ្វើការជាមួយបុរសខាងលើបានបង្ហោះសារ ជាសេចក្តីជូនដំណឹងថា៖
សូមជំរាបជូនដំណឹងទៅដល់ សារមាជិកមិត្តរួមការងារនឹងអ្នកដែលបានស្គាល់រាប់អានបងប្រុស Chor Pannga ដែលជាបុគ្គលិកបំរេីការងារនៅក្រុមហ៊ុនសហគ្រាស Goodhill co.ltd Division Dutch Mill.
បងប្រុស បញ្ញា គាត់បានទទួលមរណភាពនៅថ្ងៃទី 22/07/2017 មកដល់ពេលនេះសពរបស់គាត់បានមកដលល់ភ្នំពេញហេីយនឹងរៀបចំបុណ្យសព នាព្រឹកនេះ 23/07/2017 #ទីតាំងនៅជិតផ្សារទឹកថ្លា #វេលាម៉ោង9:00amដោយសារគាត់ជាគ្រិស្តាន(សាសនាគ្រិះ) វិធីនេះត្រូវបានរៀបចំតាមបែបគ្រិស្តាន នឹងដង្ហែសពនៅពេលព្រឹកថ្ងៃ ចន្ទ័ 23/07/2017 មិនមានធ្វេីបុណ្យប្រាំពីថ្ងៃឡេីយ សំរាប់ការចង់ចូលរួមរំលេកទុកក្នុងកម្មវិធីសព សូមអញ្ជេីញចូលរួមតាមរយះទីតាំងខាងលេី នឹងទាក់ទងតាមរយះលេខទូរសព្ទ័ 015 707 071 / 096 626 6635/ 015 566 659 / 085 215 521 អាចទំនាក់ទំនងមកដេិម្បីបញ្ជក់ពីទីតាំងបន្លែម៕
