សិល្បៈ ៖ ថ្មីៗនេះធ្លាយរូបភាពតារាលេងនយោបាយកញ្ញា ធី សុវណ្ណថា បានចូលខ្លួនមកសន្សំប្រជាប្រិយភាពពីសិល្បៈវិញម្ដង ខណៈដែលកេរ្តិ៍ឈ្មោះការសម្ដែងរឿងនយោបាយរបស់ខ្លួនត្រូវបានប្រជាពលរដ្ឋភាគច្រើន ដែលធ្លាប់កោតសរសើរ ងាកមកលែងគាំទ្រ។ ស្របគ្នានឹងព័ត៌មានគួរឲ្យចាប់អារម្មណ៍នេះក៏មានដំណឹងមិនទាន់ផ្លូវការបានកើតមានថា តម្លៃខ្លួន ធីសុវណ្ណថា ថតស្ពតពាណិជ្ជនោះ ជាង៣ម៉ឺនដុល្លារ ដែលជាចំនួនដ៏ច្រើនសម្រាប់ទីផ្សារក្នុងស្រុក ជាមួយគ្នានោះតារាសម្ដែង និងម៉ូដកញ្ញា សូ លីហ្សា បានបង្ហាញការភ្ញាក់ផ្អើលជាខ្លាំង រហូតនាងបានសរសេរសារថា សុំឲ្យ ធីសុវណ្ណថា ទុកផ្លូវឲ្យនាងដើរផង។
នេះគឺជាសាររបស់កញ្ញា សូ លីហ្សា "ចែអើយចែ !ទុក្ខផ្លូវខ្ញុំដើរផងចែ បើចែស្អាតហើយថតស្ពតម្ដងបានលុយច្រើនចឹងខ្ញុំមិនដាច់ឆ្នាំងបាយហើយទេអី?ទុកផ្លូវអោយអ្នកសិល្បៈដែរស្អាតមិនដល់ចែអោយគ្នាដើរផងមើលទៅប្រហែលជាខ្ញុំត្រូវប្ដូរអាជីពហើយ"។ សារខាងលើនេះមិនទាន់មានមូលដ្ឋានច្បាស់ថា ជាការកោតសរសើរស្មោះ ឬជាការចំអកនោះទេ ព្រោះ Kqube.net មិនទាន់ទទួលបានការបញ្ជាក់បន្ថែមពីកញ្ញា សូ លីហ្សា នៅឡើយ ៕
