កូរ៉េខាងជើង ថ្ងៃនេះបានប្រកាសថា មីស៊ីលផ្លោងអន្តរទ្វីបរបស់ខ្លួនដែលបានបាញ់សាកល្បងកាលពីព្រឹកមិញនេះ គឺទទួលបានជោគជ័យហើយ ដោយបច្ចុប្បន្នកំពុងបោះជំហានទៅកាន់កម្មវិធីនុយក្លេអ៊ែរ ដែលមានសមត្ថភាពហោះដល់ទឹកដីសហរដ្ឋអាមេរិក។
បើយោងតាមការអះអាងរបស់រដ្ឋាភិបាលជប៉ុន និងកូរ៉េខាងត្បូងថា ព្រឹកមិញនេះមីស៊ីលផ្លោងកូរ៉េខាងជើង ហោះបានក្នុងចម្ងាយ ៥៨០ម៉ាយ ស្មើនឹង ៩៣៣.៤២គីឡូម៉ែត្រ មុនធ្លាប់លើឆ្នេរសមុទ្រក្បែរតំបន់សេដ្ឋកិច្ចពិសេសជប៉ុន (EEZ) ដោយបាញ់ចេញពីព្រំដែនកូរ៉េខាងជើង-ចិន នៅព្រឹកវេលាម៉ោង ១:៤០នាទី (ម៉ោងក្នុងតំបន់)។
ទន្ទឹមគ្នានេះទូរទស្សន៍កូរ៉េខាងជើងបានចាក់ផ្សាយថា មីស៊ីលធ្វើតេស្តកាលព្រឹកមិញ គឺដឹកនាំផ្ទាល់ដោយមេដឹកនាំលោក គីម ជុងអ៊ុន ដែលអះអាងថា អាចវាយប្រហារគ្រប់ទីកន្លែង នៅក្នុងពិភពលោក។ ទូរទស្សន៍ខាងលើបញ្ជាក់ទៀតថា មីស៊ីលម៉ាក Hwasong-14 ហោះកម្ពស់រហូតដល់ ២៨០១. ៨៦៨គីឡូម៉ែត្រ ហើយអាចទៅដល់គោលដៅក្នុងរយៈពេល ៣៩នាទី។
យ៉ាងណាមិញអ្នកជំនាញបានឲ្យដឹងថា មីស៊ីលរបស់ទីក្រុងព្យុងយ៉ាងខាងលើនេះ មិនទាន់មានសមត្ថភាពអាចហោះដល់កោះហាវៃ (Hawaii) សហរដ្ឋអាមេរិកនៅឡើយ ប៉ុន្តែអាចដល់រដ្ឋ អាឡាស្កា (Alaska) ហើយបើទោះជាអាចបាញ់ដល់ ក៏វាមិនមែនជាប្រភេទមីស៊ីសអន្តរទ្វីប (IBCM) ឡើង មានន័យថា ការសាកល្បងជោគជ័យរបស់កូរ៉េខាងជើង គឺជាមីស៊ីលផ្លោង Hwasong-12៕
ប្រភព៖ Express
