សេអូល៖ កូរ៉េខាងត្បូង បានស្នើឲ្យមានកិច្ចចរចាយោធាជាមួយកូរ៉េខាងជើង ជាលើកដំបូងចាប់តាំងពីឆ្នាំ ២០១៥ និងបញ្ឈប់សកម្មភាពសាកល្បងមីស៊ីល នៅជិតព្រំប្រទល់អន្តរកូរ៉េទាំងពីរ។ បើយោងតាមគេហទំព័រសារព័ត៌មាន channelnewsasia បានចុះផ្សាយនាព្រឹកថ្ងៃច័ន្ទ ទី១៧ ខែកក្កដា ឆ្នាំ២០១៧។
អនុរដ្ឋមន្ត្រីក្រសួងការពារជាតិកូរ៉េខាងត្បូង លោក Suh Choo-suk បាននិយាយឲ្យដឹងថា យើងនឹងស្នើសុំកិច្ចចរចាយោធា ជាមួយកូរ៉េខាងជើង នៅថ្ងៃទី២១ ខែកក្កដា នៅអាគាររដ្ឋាភិបាលកូរ៉េខាងជើងឈ្មោះ Tongilgak ដើម្បីបញ្ឈប់រាល់សកម្មភាពទាំងអស់ដែលធ្វើឲ្យមានតានតឹងផ្នែកយោធា និងបន្ទាត់កំណត់ព្រំដែនយោធារវាងប្រទេសទាំងពីរផងដែរ។
សំណើសុំនេះទៀតសោត បានធ្វើឡើងប្រហែលមួយសប្ដាហ៍បន្ទាប់ពីប្រធានាធិបតីលោក មូន ចេអ៊ីន បាននិយាយក្នុងសេចក្ដីថ្លែងការណ៍មួយថា ការពិភាក្សាជាមួយកូរ៉េខាងជើង គឺនឹងមានភាពតានតឹងជាងមុនក្នុងការទប់ស្កាត់កម្មវិធីនុយក្លេអ៊ែរ និងមីស៊ីលរបស់ទីក្រុងព្យុងយ៉ាង៕
