រាជធានីភ្នំពេញ៖ នៅថ្ងៃទី១៧ ខែកក្កដា ឆ្នាំ២០១៧នេះ រាជរដ្ឋាភិបាលកម្ពុជា នឹងរៀបចំពិធីអបអរការដាក់បញ្ចូលតំបន់ប្រាសាទសំបូរព្រៃគុក ក្នុងបញ្ជីបេតិកភណ្ឌពិភពលោក នៅពហុកីឡដ្ឋានជាតិអូឡាំពិក ក្រោយអធិបតីភាព សម្តេចតេជោ ហ៊ុន សែន ដែលនឹងមានអ្នកចូលរួមប្រមាណ ១ ម៉ឺននាក់។
ដើម្បីឲ្យការប្រារព្ធពិធីដែលនឹងប្រព្រឹត្តទៅចាប់ពីវេលាម៉ោង ៤ ល្ងាច ដល់១០យប់ ដំណើរការរលូន និងសុវត្ថិភាព សណ្ដាប់ធ្នាប់ និងរបៀបរយ រដ្ឋបាលរាជធានីភ្នំពេញ អាចនឹងធ្វើផ្អាកចរាចរណ៍ មិនឲ្យធ្វើដំណើរឆ្លងកាត់មហាវិថីធំៗជុំវិញពហុកីឡដ្ឋានជាតិ បណ្ដោះអាសន្ននៅអំឡុងម៉ោងប្រារព្ធពិធីខាងលើ។
អាស្រ័យដូចជម្រាបខាងលើ សូមប្រិយមិត្តអ្នកអាន ខេឃ្យូប គប្បីបញ្ចៀសចរាចរណ៍របស់ខ្លួន ប្រសិនជាមានបំណងធ្វើដំណើរឆ្លងកាត់តាមមហាវិថី វិថីនៅជុំវិញពហុកីឡដ្ឋានជាតិ ចាប់ពីរសៀលថ្ងៃទី១៧ កក្កដានេះតទៅ។
