មានការបាញ់ប្រហារដ៏គួរឲ្យរន្ធត់មួយ កើតឡើងនៅក្នុងទីក្រុង អាំម៉ាន់ (Amman) ប្រទេស ហ្សកដានី (Jordan ) ដែលបណ្ដាលឲ្យមានមនុស្សស្លាប់ និងរងរបួសយ៉ាងធ្ងន់ធ្ងរ នៅក្នុងហេតុការណ៍នេះ។ បើយោងតាមគេហទំព័រសារព័ត៌មាន BBC បានចុះផ្សាយកាលពីប៉ុន្មានម៉ោងមុននេះ។
មន្ត្រីប៉ូលិសក្នុងតំបន់ បានរាយការណ៍ប្រាប់ឲ្យដឹងថា មានខ្មាន់កាំភ្លើងមិនស្គាល់អត្តសញ្ញាម្នាក់ បើកការបាញ់ប្រហារទៅលើជនស៊ីវិល ហ្សកដានី (បុគ្គលិកក្រុមហ៊ុនគ្រឿងសង្ហារឹម) ចំនួន ២នាក់ បណ្ដាលឲ្យស្លាប់ភ្លាមៗ និងជនស៊ីវិល អីុស្រាអែល ម្នាក់រងរបួសយ៉ាងធ្ងន់ធ្ងរ នៅក្បែរស្ថានទូត អីុស្រាអែល។ ជុំវិញហេតុការណ៍នេះ មន្ត្រីប៉ូលិស ហ្សកដានី កំពុងស្ថិតនៅក្នុងការស៊ើបអង្កេត និងបន្តការតាមដាននៅឡើយ។
គួរបញ្ជាក់ផងដែរថា កាលពីថ្ងៃសុក្រកន្លងទៅនេះ មានប្រជាជន ហ្សកដានី រាប់ពាន់នាក់ បានធ្វើបាតុកម្មនៅទីក្រុង អាំម៉ាន់ ប្រឆាំងនឹងអីុស្រាអែល លើការដំឡើងឧបករណ៍រាវរកលោហធាតុនៅឯកន្លែងសក្ការបូជារបស់សាសនាអីុស្លាម និងយូដា (Jews) នៅភាគខាងកើតក្រុង ជេរូហ្សាឡឹម (Jerusalem)៕
