ចម្រៀងមួយបទរបស់ ម៉ារ៉ា ប៊ុណ្ណា ដែលចម្លងពីបទថៃ ដែលអ្នកលេងហ្វេសប៊ុកហៅថា "IT បែកស្លុយ" ត្រូវបានមហាជនរិះគន់កប់ៗមាត់ចាប់តាំងពីចេញដំបូង ហើយមកដល់ពេលនេះ លោក ម៉ារ៉ា ប៊ុណ្ណា ក៏បានទទួលរងការរិះគន់ជាថ្មីកាន់តែខ្លាំង បន្ទាប់ពីឮថាគាត់បានឆ្លើយតបទៅកាន់អ្នករិះគន់គាត់ថា "មានចំនេះដឹងទៅរាក់ណាស់" ។
រហូតមកដល់ល្ងាចថ្ងៃទី២១ ខែកក្កដា ឆ្នាំ២០១៧ នៅវេលាម៉ោងប្រហែលជា៧ល្ងាច លោក ម៉ារ៉ា ប៊ុណ្ណា បានចូលរួមកិច្ចសំភាសន៍ ក្នុងកម្មវិធី Komsan Talk Show របស់ផេគ Post Komsan ដើម្បីបកស្រាយអំពីបញ្ហាការរិះគន់ចំពោះបទថៃ "IT បែកស្លុយ"នេះ ។
លោកបានសង្កត់ធ្ងន់ថា ការដែលលោកដាច់ចិត្តចម្លងបទពីបរទេសបែកស្លុយនេះ គឺដើម្បីបណ្តុះចិត្តកូនខ្មែរឲ្យស្អប់កាន់តែខ្លាំងចំពោះការចម្លង និងចែករំលែកក្តីស្រលាញ់ឲ្យច្រើនៗចំពោះសិល្បៈករដ៏ទៃដែលនិពន្ធបទចម្រៀង Original ក៏ដូចជារូបលោកដែលកន្លងមកធ្លាប់ធ្វើបទ Original ជាច្រើន តែហាក់មិនបានទទួលការចាប់បារម្មណ៍ពីមហាជន។
ទាក់ទងនឹងពាក្យដែលលោកបានលើកឡើង ថា អ្នករិះគន់គាត់មានចំណេះដឹងនៅរាក់នោះ គឺលោកបានបកស្រាយថា ជាការឆ្លើយតបទៅកាន់អ្នកដែលជេរអ្នកមានគុណលោកប៉ុណ្ណោះ មិនមែនថាឲ្យគ្រប់ៗគ្នានោះទេ៕
ចង់ដឹងថាលោកបកស្រាយទាំងស្រុងយ៉ាងណាសូមទស្សនាវីដេអូខាងក្រោមនេះ:
