យោងតាមការចុះផ្សាយរបស់សារព័ត៌មាន CNN នៅព្រឹកនេះ កងម្លាំងនាវាសហរដ្ឋអាមេរិកបានបង្ហាញនូវខ្សែវីដេអូដ៏ភ្ញាក់ផ្អើលមួយ អំពីការធ្វើតេស្តអាវុធធុនស៊េរីថ្មី ទំនើបរបស់ខ្លួន មានឈ្មោះថា កាំភ្លើងឡាស៊ែរបាញ់ទម្លាក់យន្តហោះ(LaWS ) ដែលអះអាងថា មិនមែនជាការឆ្នៃប្រឌិតបែបវិទ្យាសាស្ត្រឡើយ គឺវាជាអាវុធពិត។
លោក Lt. Cale Hughes មន្ត្រីគ្រប់គ្រងប្រព័ន្ធអាវុធឡាស៊ែរបានលើកឡើងថា " LaWS មានសមត្ថភាពអាចចាប់សញ្ញាបានគ្រប់ស្ថានការណ៍ មិនខ្វល់ថា នឹងជួបបញ្ហាអាកាសធាតុណាមួយឡើយ បើធ្វើប្រៀបធៀបជាមួយមីស៊ីលអន្តរទ្វីប (ICBM) វិញ គឺអាចចាប់សញ្ញាបានរហូតដល់ ៥០,០០០ដង នៃល្បឿនរបស់ ICBM " ។
គួរបញ្ជាក់ផងដែរថា កាំភ្លើងឡាស៊ែរបាញ់ទម្លាក់យន្តហោះខាងលើនេះ ត្រូវបានសហរដ្ឋអាមេរិកបង្ហាញឡើង ដើម្បីសំញែងភាគីជម្លោះដូចជា កូរ៉េខាងជើង រុស្ស៊ី និង ចិន ជាដើម។ មួយវិញទៀតអាវុធនេះនឹងដាក់ដំណើរការនៅដែនសមុទ្រ ហើយគ្រប់គ្រងដោយកងកម្លាំងនាវាតែម្ដង៕
