Pep Guardiola ដឹងថា Man City បានខំប្រឹងប្រែងខ្លាំងណាស់ពេលយកឈ្នះ Real Madrid ៤-១ ក្នុងពានរង្វាន់ International Champions Cup កាលពីថ្ងៃមិញហើយបានសង្កត់ធ្ងន់ថាReal Madridមិនឈឺក្បាលជាមួយលទ្ធផលចាញ់នេះទេ ។
ការរកគ្រាប់បាល់បានពី Nicolas Otamendi, Raheem Sterling, John Stones និង Brahim Diaz បានរក្សាជ័យជម្នះដ៏ត្រចះត្រចង់មួយ ក្នុងកាលវិភាគការប្រកួតពានមិត្តភាពមុនបើករដូវកាលក្នុងទីក្រុង Los Angeles។ បែបនេះក្ដី! គ្រូបង្វឹក Man City លោក Pep Guardiola ការប្រកួតនេះ គ្រាន់តែជាការលេងបែបកម្ដៅសាច់ដុំរបស់ម្ចាស់ជើងឯក La liga និង Champions League ប៉ុណ្ណោះ។
“ ពួកយើងបានឈ្នះក្រុមមួយដែលកំពុងតែល្អ ជាងគេក្នុងទ្វីបអឺរ៉ុប ២ឆ្នាំជាប់គ្នា។ វាមិនជារឿងសំខាន់អ្វីសម្រាប់ពួកគេទេ តែយើងទេ ដែលជាអ្នកត្រូវប្រឹងបន្ថែមទៀត។ Real Madrid គេបានប្រឹងហើយសម្រេចស្នាដៃរួចមកហើយ”។ Pep និយាយក្នុងសន្និសីទក្រោយការប្រកួត។
គ្រូបង្វឹកធ្លាប់ដឹកនាំក្រុម Barcelona ជួប Real Madrid ជាច្រើនលើករូបនេះបានបន្តថា“ ត្រូវចាំថា Real Madrid មិនដែលបង្ហាញទម្រង់លេងដ៏អាក្រក់នោះទេ។ យើងបង្ហាញទម្រង់លេងបានល្អ។ Real Madrid តែងតែបង្ហាញថាពួកគេជាក្រុមដ៏កំពូល។ ខ្ញុំស្រឡាញ់ និងគោរពពួកគេដូច Barcelona ដែរ”៕
