រាជធានីភ្នំពេញ៖ វិមានសន្តិភាពនាព្រឹកថ្ងៃទី១១ ខែសីហា ឆ្នាំ២០១៧នេះ លោកបណ្ឌិត សុខ ទូច នឹងត្រូវបានប្រកាសចូលកាន់ជា ប្រធានរាជបណ្ឌិត្យសភាកម្ពុជា ជំនួសលោកស្រីបណ្ឌិតសភាចារ្យ ខ្លូត ធីតា បន្ទាប់លោកត្រូវបានប្រមុខរដ្ឋស្តីទីចេញរាជក្រឹត្យតែងតាំង កាលពីថ្ងៃទី២៩ ខែកក្កដា កន្លងទៅ។
ក្នុងពិធីប្រកាសប្រកាសការចូលកាន់តំណែងជាប្រធានរាជបណ្ឌិត្យសភានេះដែរក៏នៅមានមន្រ្តី០៦រូបផ្សេងទៀត ក៏ត្រូវបានព្រះប្រមុខរដ្ឋស្តីទី សម្តេច សាយ ឈុំ តែងតាំងឋានៈជាមន្រ្តីរាជការនៃរាជបណ្ឌិត្យសភាកម្ពុជាផងដែរកាលពីថ្ងៃម្សិលមិញ ដែលរួមមាន៖
លោកបណ្ឌិត ច័ន្ទ សំណព្វ ត្រូវបានតែងតាំងជាអនុប្រធានបណ្ឌិត្យសភាកម្ពុជា មានឋានៈស្មើនឹង រដ្ឋលេខាធិការ
លោក យង់ ពៅ ជាអគ្គលេខាធិការ នៃរាជបណ្ឌិត្យសភាកម្ពុជា មានគោរមងារជា បណ្ឌិតសភាចារ្យ ឋានៈស្មើ រដ្ឋលេខាធិការ
លោក ជូន ច័ន្ទដារី ជាអគ្គលេខាធិការរង នៃរាជបណ្ឌិត្យសភាកម្ពុជា មានឋានៈស្មើអនុរដ្ឋលេខាធិការ
លោក លី សុធីរ័ត្ន ជាអគ្គលេខាធិការរង នៃរាជបណ្ឌិត្យសភាកម្ពុជា ឋានៈស្មើ អនុរដ្ឋលេខាធិការ
លោក សូត្រ សំណាង ជាអគ្គលេខាធិការរង នៃរាជបណ្ឌិត្យសភាកម្ពុជា ឋានៈស្មើ អនុរដ្ឋលេខាធិការ
លោក គិន ភា ជាប្រធានវិទ្យាស្ថានទំនាក់ទំនងអន្ដរជាតិ នៃរាជបណ្ឌិត្យសភាកម្ពុជា ឋានៈស្មើ អគ្គនាយក។
