រថយន្តក្រុងពីរជាន់ បានបើកបុកចូលហាងមួយ នៅភាគខាងត្បូងទីក្រុងឡុងដ៍ បណ្ដាលឲ្យស្ត្រីចំនួន ២នាក់ ត្រូវជាប់នៅលើដំបូលរថយន្ត។ នេះបើយោតាមគេហទំព័រសារព័ត៌មាន BBC បានចេញផ្សាយនាពេលថ្មីៗ។
កងអគ្គិភ័យអង់គ្លេស (LFB) បាននិយាយថា រថយន្តក្រុងមួយគ្រឿង បានបុកចូលខាងរចនាផ្ទះបាយ Poggen Pohl នៅលើផ្លូវ Lavender Hill ដែលបណ្ដាលឲ្យខាងមុខហាងត្រូវខូចខាតទាំងស្រុង។ ប៉ូលិសបានបន្ថែមទៀតថា អ្នកបើកបរឡានក្រុង ត្រូវបានបញ្ជូនទៅមន្ទីរពេទ្យ ព្រមទាំងជនរងគ្រោះចំនួន ៤នាក់ផ្សេងទៀតត្រូវបានបញ្ជូនទៅព្យាបាលភ្លាមៗ ក្រោយពេលកើតហេតុ៕
