តារាសម្ដែងកញ្ញា សួង សុខារ៉ានីត ទើបតែត្រូវសាច់ញាតិបញ្ជូនសង្គ្រោះបន្ទាន់នៅមន្ទីរពេទ្យកាល់ម៉ែត្រ កាលពីថ្ងៃទី០៧ សីហា ខណៈដែលជំងឺ គីស វះកាត់នៅប្រទេស ថៃ រើឡើងមានអូរឈាមច្រើនប្រឈមគ្រោះថ្នាក់ ដែលទើបចេញមកវិញទេ។ ស្រាប់តែថ្ងៃទី១៥ កន្លងទៅនេះ កញ្ញាបានទៅថតស្ពតទឹកបរិសុទ្ធ LONA ធ្វើឲ្យនាងកល់នឹងដួលសន្លប់ជាថ្មីនៅកន្លែងថត។
សួង សាខារានីត បានប្រាប់ថា "ចា៎ ! បងខ្ញុំមានជំងឺ គីស យូរដែរហើយ នឹងទើបតែចេញទៅវះកាត់នៅប្រទេស ថៃ កាលពីពេលថ្មីនេះទេ ទើបតែសប្ដាហ៍មុនជំងឺនេះធ្វើទុក្ខឡើងវិញ មានហូរឈាមហូរច្រើន តម្រូវឲ្យបងប្អូនត្រូវបញ្ជូនសង្គ្រោះបន្ទាន់ ដោយប្រើអុកស៊ីហ្សែនជួយដង្ហើមថែមទៀត"។
តារាស្រីរូបនេះបានបន្តថា នាងទើបតែចេញពីពេទ្យកាល់ម៉ែត្រទេ បានពីរថ្ងៃទេ ក៏បានមកថតស្ពតទឹកបរិសុទ្ធ LONA ឲ្យគេ ព្រោះនាងបានចុះកុងត្រា តាំងពីមុនឈឺមកម្ល៉េះ ដូច្នេះហើយទើបមិនអាចបោះបង់បាន ដោយសារនាងក៏បានទទួលយកលុយកក់គេរួចហើយដែរ។ កញ្ញាបន្ថែមថា ការថតស្ពតទឹកសុទ្ធ LONA មានរយៈពេលប្រមាណជា៣ម៉ោងទេ ហើយពេលដំបូងឡើយ នាងគិតថា មិនមានបញ្ហាសុខភាពទេ ព្រោះគ្រាន់តែថតរូបសន្លឹក តែពេលថតបានពាក់កណ្ដាលក៏មានបញ្ហារកដួលសន្លប់ តែសំណាងល្អបានក្រុមការងារជួយទាន់៕
