បើយោងតាមគណនីហ្វេសប៊ុក លោក ផែង វណ្ណះ មុននេះបន្តិចនៅថ្ងៃទី០៨ ខែសីហា នេះ បានបង្ហោះសារ និងរូបភាព ថា៖
គយតាមចាប់រថយន្ត Land Cruiser សេរីទំនបដល់ក្នងបន្ទប់ផ្ទះសំណាក់ ខណ:ម្ចាស់រថយន្តកំពុងឡើងឋានសួគ៌ ។ ម្ចាស់រថយន្តដែលប្រឈមមុខនឹងភាពអាម៉ាស់ ជាន់លើភាពអាម៉ាស់នេះ មិនត្រូវបានគេបង្ហាញឈ្មោះនោះទេ ។ អាម៉ាស់ទី ១ គឺជិះឡានអត់ពន្ធខុសច្បាប់ អាម៉ាស់ទី ២ គឺ កំពុងឡើងឋានសួគ៌ក្នុងបន្ទប់ផ្ទះសំណាក់លេខ ១៣០ គយយកកម្លាំងមកព័ទ្ធ ។ ហេតុការណ៍នេះកើតឡើងនៅថ្ងៃទី ៧ សីហា ២០១៧ នៅផ្ទះសំណាក់ស្រែលាភ ។
នៅសល់តែ ១០០០ ឆ្នាំ ទៀតអស់ឡានអត់ពន្ធហើយ ជាពិសេសគឺពេលអស់គយ ដរាបណាមានគយ ដរាបនោះឡានអត់ពន្ធនៅតែមាន គយអ្នកអោយចូល គយក៏អញនកចុះចាប់ដែរ ។
សូមកោតសរសើរលោកគយខិលខូចដែលចេះរកលុយដោយរលូនជាមួយឈ្មួញនាំចូលរថយន្តខុសច្បាប់ ដោយមិនមានទទួលវិន័យ ។ ខ្ញុំគិតថា អគ្គនាយកគយ គួរផ្ដល់គ្រឿងឥស្សរិយយសដល់មន្ត្រីគយពិសេសៗដែលសហការជាមួយឈ្មួញយកឡានអត់ពន្ធចូលមិនចេះអស់ និងគួរផ្ដល់ងារឧកញ៉ាដល់ឈ្មួញនាំឡានអត់ពន្ធចូលផង ។ ប្រភព៖ ហ្វេសប៊ុក ផែង វណ្ណះ
បញ្ជាក់៖ កាលពីថ្ងៃទី០៧ ខែសីហាឆ្នាំ២០១៧ ម្សិលមិញនេះ កម្លាំងគយចល័ត ដឹកនាំដោយ លោក ព្រាប ការ៉ាត់ ក្រោមការចង្អុលបង្ហាញ ពីប្រធាននាយកដ្ឋាន សហការជាមួយកម្លាំងអាវុធហត្ថលើផ្ទៃប្រទេស បានបន្តបើកប្រតិបត្តិការ ដោយចាប់បានឡានសេរីទំនើបៗចំនួន០៦គ្រឿង អត់ពន្ធ នៅតាមគោលដៅ និងទីតាំងខុសៗគ្នា ក្នុងភូមិសាស្រ្ត រាជធានីភ្នំពេញ ។ យើងសង្កេតឃើញថា ការចាប់បានរថយន្តគេចពន្ធស៊េរីទំនើប នៅថ្ងៃនេះនៅតែមានចំនួនច្រើនដដែល។
មន្រ្តីគយចល័តដដែលរូបនោះ បានបញ្ជាក់ថា ចំណូលនៃការបង់ពន្ធចូលរដ្ឋមានការកើនឡើងហើយ ជាពិសេសនឹងធ្វើឲ្យ ឈ្នួញទាំងឡាយមានភាពរអារ និងខ្លាចឈប់នាំចូលរថយន្តគេចពន្ធ បន្តទៀត។ ជាងនេះទៅទៀត ការបង្រ្កាបរថយន្តអត់ពន្ធ ពីសំណាក់កម្លាំង គយចល័ត នឹងត្រូវធ្វើឡើងជាប់ជានិច្ច ដូចភ្លៀងរលឹម៕
