រថយន្តមួយគ្រឿង បានបើកបុករះក្រុមទាហាន នៅជាយក្រុងប៉ារីស បណ្ដាលឲ្យរងរបួសយ៉ាងធ្ងន់ធ្ងរជាច្រើននាក់ ក្រោយហេតុការណ៍កើតឡើងលោកចៅហ្វាយក្រុង ហៅថាជាសកម្មភាពសម្លាប់ដោយចេតនា។ នេះបើយោងតាមគេហទំព័រសារព័ត៌មាន reuters បានចុះផ្សាយនារសៀលថ្ងៃពុធ ទី០៩ ខែសីហា ឆ្នាំ២០១៧។
ចៅហ្វាយក្រុង Levallois-Perret លោក Patrick Balkany បាននិយាយថា រថយន្តបង្កហេតុខាងលើម៉ាក BMW មួយគ្រឿង បានចតនៅតាមដងផ្លូវ ភ្លាមៗនោះគេបានឃើញរថយន្តនេះ បើបុកទៅលើទាហានទាំង៦នាក់ ឲ្យរងរបួសយ៉ាងធ្ងន់ធ្ងរ ខណៈពេលដែលពួកគេបានដើរចេញពីបន្ទាយ ដើម្បីបំពេញកាតព្វកិច្ចល្បាត។
គួរបញ្ជាក់ផងដែរថា ប្រទេសបារាំង នៅតែស្ថិតលើការដាស់តឿន បន្ទាប់ពីមានការវាយប្រហារជាច្រើន ដោយពួកសកម្មប្រយុទ្ធអ៊ីស្លាម ឬពួកអ្នកបំផុសគំនិតឥស្លាមនិយមជ្រុល ដែលបានសម្លាប់មនុស្សជាង ២៣០នាក់ក្នុងរយៈពេលពីរឆ្នាំមកនេះ៕
