កងទ័ពជើងទឹកអាមេរិក បានកំណត់អត្តសញ្ញា យោធាខ្លួនចំនួន៣នាក់ ដែលជួបឧបហេតុឆេះយន្តហោះធ្លាក់ចូលសមុទ្រ បណ្ដាលឲ្យបាត់បង់ជីវិត អំឡុងពេលធ្វើការហ្វឹកហាត់ជាមួយកងកម្លាំងអូស្ត្រាលី នៅឆ្នេរ Shoalwater Bay រដ្ឋ Queensland ប្រទេសអូស្ត្រាលី។ នេះបើយោងតាមសារព័ត៌មាន CNN បានចុះផ្សាយនៅថ្ងៃអង្គារ ទី០៨ ខែសីហា ឆ្នាំ២០១៧។
មេបញ្ជាការកងទ័ពជើងទឹកលេខ ៣១ លោក Col. Tye Wallace បានប្រកាសឈ្មោះយោធាខាងលើ ចេញពីមូលដ្ឋានទ័ពម៉ារីន Camp Butler កោះអូគីណាវ៉ា ប្រទេសជប៉ុន មានដូចជា៖ លោក Lt. Benjamin Cross អាយុ ២៦ឆ្នាំ លោក Cpl. Nathaniel Ordway អាយុ ២១ឆ្នាំ និងលោក Pfc. Ruben Velasco អាយុ ១៩ឆ្នាំ។
គួរបញ្ជាក់ផងដែរថា នេះជាសោកនាដកម្មលើកដំបូងរបស់កងកម្លាំងជើងទឹកសហរដ្ឋអាមេរិក ដែលបានបាត់បង់ជីវិត នៅពេលធ្វើការហ្វឹកហាត់ ជាមួយយោធាអូស្ត្រាលី៕
