លោក Jose Mourinho បានសារភាពថាលោកពិតជាទទួលបរាជ័យក្នុងអន្ទងយកខ្សែប្រយុទ្ធស្លាបរបស់Inter កីឡាករ Ivan Perisicមកលេងនៅ Manchester United ក្នុងរដូវក្ដៅនេះ។
បិសាចក្រហមបានដាក់សំណើចំនួន៣ដងរួចមកហើយ ដើម្បីទិញកីឡាករវ័យ២៨ឆ្នាំក្នុងរដូវក្ដៅនេះជាមួយនឹងតម្លៃ៥០លានអឺរ៉ូ(៤៤លានផោន)។ អតីតគ្រូបង្វឹក Chelsea បានបង្ហាញគម្រោងទិញកីឡាំករ៤នាក់ក្នុងឆ្នាំនេះដោយលោកទិញបាន៣នាក់ និងនៅសល់កីឡាករម្នាក់ទៀតដែលលោកចង់បាន ហើយជាកីឡាករលេងក្នុងតំបន់បម្រើប្រយុទ្ធដែលអាចលេងក្នុងតំបន់ស្លាបទាំងពីរ។
ប៉ុន្តែលោកបានបញ្ជាក់ថា Perisic មិនមែនជាកីឡាករទី៤ដែលលោកនាំយកមកលេងនៅ Old Trafford នោះទេ។ គ្រូបង្វឹកវ័យ៥៤ឆ្នាំបាននិយាយក្នុងកាសែត Premium Sport ថា៖" នោះគឺជាបាល់ទាត់ ប្រសិនបើខ្ញុំលេងទល់នឹង Inter នៅថ្ងៃស្អែកខ្ញុំចង់ឈ្នះ។ ពួកគេពិតជាខ្លាំងពួកគេដាក់ខ្សែការពារល្អ ហើយដាក់កីឡាករល្អម្នាក់ដែលសំខាន់បំផុតរបស់ក្លឹប ដើម្បីលទ្ធផលរបស់ពួកគេឲ្យឈ្នះពួកយើង។ នោះហើយគឺជាបាល់ទាត់"។
សម្ដីរបស់Jose Mourinho ប៉ុន្មានឃ្លារនេះចង់មានន័យដូចម្ដេច?
