ខេត្តបាត់ដំបង៖ បុរសចំណាស់ម្នាក់វ័យជិត៦០ឆ្នាំម្នាក់ ត្រូវសមត្ថកិច្ចឃាត់ខ្លួនកាលពីរសៀលថ្ងៃទី ៧ ខែសីហា ឆ្នាំ២០១៧ នៅភូមិធាយរំពាត់ ឃុំកន្ទឺ២ ស្រុកបាណន់ ពាក់ព័ន្ធអំពើរំលោភសេពសន្ថវៈក្មេងស្រី អាយុ៩ឆ្នាំ បានសម្រេចជិត២០ដង។
បុរសចំណាស់ជាជនសង្ស័យដែលបិសាចតណ្ហាចូលខ្លួនមានឈ្មោះ ទិន តិប អាយុ ៥៩ឆ្នាំជាកសិករ រស់នៅភូមិ ឃុំខាងលើ។ ចំណែកក្មេងស្រីរងគ្រោះឈ្មោះ វ ប រ ម អាយុ ៩ឆ្នាំ រស់នៅភូមិឃុំជាមួយគ្នា។
យោងប្រភពព័ត៌មានពីសមត្ថកិច្ចបានឲ្យដឹងថា កាលពីវេលាម៉ោង ៨យប់ថ្ងៃទី ៦ ខែសីហា បុរសជាជនសង្ស័យបានលួងបបួលក្មេងស្រីរងគ្រោះទៅមើលទូរទស្សន៍នៅផ្ទះខ្លួន (ជនសង្ស័យតែងតែបបួលជនរងគ្រោះជារឿយៗ) ហើយក៏លួងលោមនាងរួមភេទនៅក្នុងផ្ទះជនសង្ស័យតែម្ដង។ តាមចម្លើយរបស់់ជនសង្ស័យបានឲ្យដឹងថា ការរំលោភនោះមិនបានស៊ីជម្រៅទេ ដោយសារនាងមានការឈឺចាប់ខ្លាំងពេក ដូច្នេះបានដាក់ចូលតែចុងតិចៗ ក៏បានសម្រេចដែរ។
រឿងនេះត្រូវបានបងជីដូនមួយក្មេងស្រីរងគ្រោះមានការសង្ស័យ ទើបសួរនាំ ហើយនាងប្រាប់ថា នាងត្រូវបានជនសង្ស័យហៅទៅដេកជាមួយប្រហែល ២០ដងហើយ តែខ្លួនមិនហ៊ាននិយាយប្រាប់អ្នកណាព្រោះខ្លាច។
បច្ចុប្បន្នជនសង្ស័យត្រូវបានសមត្ថកិច្ចនៃអធិការដ្ឋាននគរបាលស្រុកបាណន់បញ្ជូនទៅស្នងការដ្ឋាននគរបាលខេត្ត ដើម្បីបញ្ជូនបន្តទៅកាន់សាលាដំបូង៕
