ក្រុម Real Madrid បានប្រកួតឈ្នះក្រុមបិសាចក្រហម Manchester United ក្នុងលទ្ធផល២-១នាការប្រកួតក្នុងពានរង្វាន់ UEFA Super Cup នាទីក្រុង Skopje ប្រទេសម៉ាសេដូនី។
ក្រុម Real Madrid ដែលជាជើងឯក Champions League បានមុខម្ចាស់ជើងឯក Europa League ១គ្រាប់មុនក្នុងវគ្គទី១ដោយខ្សែបម្រើកណ្ដាល Casemiro នាទី២៤ក្រោយទទួលបានបាល់ពី Dani Cavajal បោះកាត់ពីក្រៅតំបន់គ្រោះថ្នាក់។ លទ្ធផលនេះបន្តរហូតដល់ចប់វគ្គទី១។
ចូលវគ្គទី២នាទី៥២ Gareth Bale បានបញ្ជូនបាល់ឲ្យ Isco សម្រេចគ្រាប់ទី២នាំមុខ Man Utd ប៉ុន្តែNemanja Matic បានផ្ដល់ឱកាសងាយស្រួលឲ្យ Lukaku រកបានគ្រាប់បាល់តាមពីក្រោយវិញ មួយគ្រាប់នៅនាទី៦២។
ការប្រកួតនៅតែបន្ត ហើយក្រុមទាំងពីរខំប្រឹងវាយសម្រុករកគ្រាប់បាល់បន្ថែមរៀងៗខ្លួន ប៉ុន្តែមិនបានសម្រេច ហើយលទ្ធផលបន្តរហូតដល់ចប់ការប្រកួត៩៧នាទីទាំងម៉ោងបន្ថែមមានរបួស។ ទស្សនាវីដេអូខាងក្រោម៖
