MV បទ “អស់សិទ្ធិថែតែនៅបារម្ភ” របស់ ខេមរៈ សេរីមន្ត ចេញនៅផលិតកម្មហង្សមាស ភ្លាមមានអ្នករិះគន់កក្រើកលើបណ្ដាញសង្គមហ្វេសប៊ុក ពីការលេងម៉ូដសក់ដូចតារាចម្រៀងល្បីឈ្មោះលំដាប់ពិភពលោក Justin Bieber ។ ស្រាប់តែពេលនេះលោក ម៉ៃ សុគន្ធ បានចេញមុខមកជាន់ថែមម្នាក់ទៀត ដោយលោកបានប្រើពាក្យសម្ដីឈឺៗតែម្ដង។
វីដេអូចម្រៀងបទ “អស់សិទ្ធិថែតែនៅបារម្ភ” ដែល ខេមរៈ សេរីមន្ត បានថតជាមួយ ដៃគូចាស់កាលនៅផលិតកម្ម U2 ឱក សុគន្ធកញ្ញា ប៉ុន្មានថ្ងៃនេះមានអ្នករិះគន់ច្រើន ថាលោកបានចំលងStyleសក់ពីតារាល្បី Bieber ព្រោះម៉ូដសក់របស់លោក សេរីមន្ត ក្នុងMV ខាងលើមានទ្រង់ទ្រាយដូចគ្នាបេះដាក់ជាមួយ ចាស្ទីន ដែលគេធ្លាប់បានឃើញមុនលោក សេរីមន្ត។
ជាមួយគ្នានេះដែរតារាចម្រៀង ម៉ៃ សុគន្ធ ក៏បានចេញមុខរិះគន់ម៉ូដសក់របស់ ខេមរៈ សិរីមន្ត ថាជាម៉ូដចម្លងតាមតារាចម្រៀងកាណាដា Justin Bieber។ ដោយមានពាក្យថា "ចាស្ទីនអើយម៉េចមិនចេះខ្មាសគេចឹង កុំកូពីណា ហាមដាច់ខាត Fan គាត់ច្រើនណាស់" ហើយចេញមុខលើកយកចំណុចទើសមកនិយាយនេះ ម៉ៃ សុគន្ធ ហាក់ចំអកឲ្យ សេរីមន្ត ដោយគេមិនបាននិយាយថា សេរីមន្ត អ្នកចំលងទេ គឺន័យក្នុងសាររបស់គេបានថា ចាស្ទីន ជាអ្នកចំលងទៅវិញ។ ប្រិយមិត្តKqubeមានយោបល់យ៉ាងណាដែរ ចំពោះការរិះគន់នេះ តើជាការជាន់ពន្លេច ឬជាយោបល់សុំឲ្យមានការកែប្រែ ?
