ខណៈដែលវោហារសាស្ត្រក្ដៅគគុករវាងមេដឹកនាំក្រុងព្យុងយ៉ាង និងទីក្រុងវ៉ាស៊ីនតោន បន្តកើនឡើងនោះ កូរ៉េខាងជើង បានចាក់សាំងបន្ថែមចូលក្នុងភ្លើង ដោយបង្ហោះរូបភាព ការបាញ់មីស៊ីលជាច្រើនគ្រាប់ទៅកាន់កងទ័ពជើងគោក អាកាស និងជើងទឹកអាមេរិក។ នេះយោងតាមគេហទំព័រសារព័ត៌មាន Sputnik បានចុះផ្សាយនាព្រឹកថ្ងៃច័ន្ទ ទី២៥ ខែកញ្ញា ឆ្នាំ២០១៧។
កាលពីម្សិលមិញ រូបភាពគំនូរជីវចល ដែលបានចេញផ្សាយដោយប្រព័ន្ធផ្សព្វផ្សាយរបស់កូរ៉េខាងជើង បានបង្ហាញយន្តហោះទម្លាក់គ្រាប់បែក B-1B និងនាវាដឹកយន្តហោះ USS Carl Vinson របស់សហរដ្ឋអាមេរិក ដែលទទួលរងគ្រាប់មីស៊ីល Pukguksong-2 ពីក្រុងព្យុងយ៉ាង។
គួរបញ្ជាក់ផងដែរថា រូបភាពគំនូរជីវចល ខាងលើបានបង្ហាញ ក្រោយពេលប្រទេសជប៉ុន និងសហរដ្ឋអាមេរិក បានបញ្ជូនកងនាវាជើងទឹកឲ្យទៅឈរជើងនៅដែនសមុទ្រប៉ាស៊ីហ្វិក៕
