កុមារា ធឿន បូរី ដែលគ្រប់គ្នាបានស្គាល់ តាមរយៈការ ច្រៀងចម្រៀង តាមរយៈបណ្ដាញសង្គមហ្វេសប៊ុក រហូតបានធ្វើឲ្យ លោក ចា រិទ្ធី អ្នកគ្រប់គ្រងកម្មវិធីកម្សាន្តដ៏មានប្រជាប្រិយភាពនៅទូរទស្សន៍អាស៊ីអាគ្នេឃ៍ មានការចាប់អារម្មណ៍ និងបានអញ្ជើញប្អូនមកបកស្រាយចម្រៀងក្នុងកម្មវិធីទូរទស្សន៍អាស៊ីអាគ្នេហ៍ កាលពីពេលកន្លងទៅ ។
ក្រោយពីកុមារា រូបនេះ បានបកស្រាយបទចម្រៀងរួមក បានធ្វើឲ្យកក្រើក ដោយមានការចែកចាយពីសំណាក់អ្នកលេងបណ្តាញសង្គមយ៉ាងច្រើន តែម្ដង។
អ្វីដែលកាន់តែពិសេសទៀតនោះ គឺបានធ្វើ ឯកឧត្តម លី ឆេង អគ្គនាយក ប៊ែលធី គ្រុប ក៏បានផ្តល់នូវអាហាររូបករណ៍ឲ្យក្មួយបូរីរៀនដោយឥតគិតថ្លៃទាំងខ្មែរ និងអង់គ្លេសចាប់ពីថ្នាក់ទីមួយ រហូតដល់បាក់ឧុប ទៀតផង ហើយចំពោះការស្នាក់នៅវិញ ប្អូនមករស់នៅភ្នំពេញជាមួយ លោក ចារិទ្ធី ផ្ទាល់តែម្ដង។
ខាងក្រោមនេះជាការលើកឡើងរបស់លោក ចារិទ្ធី៖
សួស្ដីបងប្អូនជាទីស្រលាញ់ទាំងអស់ដែលស្រលាញ់គាំទ្រក្មួយប្រុសធឿនបូរី ដែលជាក្មេងម្នាក់ដែលមានទឹកដមសំឡេងយ៉ាងពីរោះពីធម្មជាតិ ដែលធ្លាប់តែស្រែកច្រៀងនៅលើខ្នងគោ រស់ក្នុងគ្រួសារដែលមានជីវភាពលំបាកនៅតាមជនបទ ដោយសារទេពកោសល្យរបស់ក្មួយ ពេលនេះបានធ្វើអោយក្មួយមានសំណាងបានឯកឧត្ដមលីឆេងជាអគ្គនាយកប៊េលធីGROUPស្រលាញ់ពេញចិត្តនឹងសំឡេងរបស់ក្មួយហើយគាត់ក៏ជាមនុស្សដែលមានចិត្តទូលាយស្រលាញ់ក្មេងៗដែលមានទេពកោសល្យផងនោះ ឯកឧត្ដមក៏បានផ្តល់នូវអាហាររូបករណ៍ឲ្យក្មួយបូរីរៀនដោយឥតគិតថ្លៃទាំងខ្មែរនិងអង់គ្លេសចាប់ពីថ្នាក់ទីមួយដល់បាក់ឧុប ខ្ញុំបាទតំណាងអោយអ្នកគាំទ្រក្មួយប្រុសធឿនបូរីទាំងអស់សូមជូនពរឯកឧត្ដមនិងក្រុមគ្រួសារអោយជួបតែសេចក្តីសុខនិងសំណាងល្អទាំងអស់គ្នា.ហើយចាប់ពីពេលនេះតទៅក្មួយប្រុសធឿនបូរីមករស់នៅភ្នំពេញជាមួយខ្ញុំ.
សូមបញ្ជាក់ផងដែរថា កុមារា ធឿន បូរី មានវ័យ១២ឆ្នាំ ស្រុកកំណើតនៅខេត្តកំពង់ចាម ។
ស្ដាប់បទដែលប្អូនបានបកស្រាយ បទចម្រៀងដូចជាបទ “បាត់ដំបងបណ្តូលចិត្ត”, “ស្ទឹងសែនប៉ារីស”, “លាបាត់ដំបង”
