ភ្នំពេញៈ អបអរសាទរលោកព្រឹទ្ធាចារ្យ កោសល្យវោហារ គង់ ណៃ ដែលទទួលបានពានរង្វាន់សិល្បៈវប្បធម៌ហ្វូគុអូកា នៃប្រទេសជប៉ុន ឆ្នាំ២០១៧។
លោកតា គង់ ណៃ នឹងត្រឡប់ពីប្រទេសជប៉ុន មកដល់កម្ពុជា នៅរសៀលថ្ងៃទី២៤ ខែកញ្ញា ឆ្នាំ២០១៧ស្អែកនេះ ដោយក្បួនដង្ហែពីប្រលានយន្តហោះអន្តរជាតិភ្នំពេញ ឆ្ពោះទៅកាន់សាលសន្និសីទចតុមុខ។ សូមចូលរួមទទួលស្វាគមន៍ទាំងអស់គ្នា នូវការវិលត្រឡប់មកមាតុប្រទេសវិញរបស់លោកតា។
ចាប៉ីដងវែង ត្រូវបានចុះក្នុងបញ្ជីបេតិកភណ្ឌវប្បធម៌អរូបិយនៃមនុស្សជាតិ របស់អង្កការយូណេស្កូ កាលពីថ្ងៃទី៣០ ខែវិច្ឆិកា ឆ្នាំ២០១៦។
យើងទាំងអស់គ្នាចូលរួមលើកទឹកចិត្ត គាំទ្រ និងបន្តមរតក ចាប៉ីដងវែង ពីមួយជំនាន់ទៅមួយជំនាន់៕
