ភ្នំពេញៈ ស្ត្រីម្នាក់ ដែលតែងតែផឹកស្រាស្រវឹងជាប្រចាំ ត្រូវបានដេកស្លាប់ ក្នុងផ្ទះដោយសង្ស័យខ្យល់គ កាលពីវេលាម៉ោង១០ព្រឹក ថ្ងៃទី៣០ ខែកញ្ញា ឆ្នាំ២០១៧ នៅផ្ទះល្វែងលេខ១០០ ផ្លូវលេខ១៩ ក្នុងបុរី ពិភពថ្មី ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចបានឲ្យដឹងថា ជនរងគ្រោះមានឈ្មោះ អូម ចាន់ធីតា ភេទស្រី អាយុ៣៥ឆ្នាំ ជាស្ត្រីមេម៉ាយ ស្នាក់នៅផ្ទះល្វែងលេខ១០០ ផ្លូវលេខ១៩ ក្នុងបុរី ពិភពថ្មី ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
តាមសាក្សីនៅកន្លែងកើតហេតុ បាននិយាយាឲ្យដឹងថា ជារាងរាល់ថ្ងៃ ជនរងគ្រោះតែងតែផឹកស្រាជាប្រចាំ នៅល្ងាចថ្ងៃទី២៩ ខែឆ្នាំដដែល ជនរងគ្រោះបានផឹកស្រាស្រវឹង ហើយបានទៅសម្រាកនៅក្នុងផ្ទះ ចំណែកប្អូនរបស់គាត់បានឡើង ទៅសម្រាកនៅជាន់ទី១ លុះព្រឹកឡើងក៏ឃើញជនរងគ្រោះដេកអង្គុយអោនផ្ទាប់មុខ ហើយក៏មិនចាំអារម្មណ៍ដែរ រហូតមកដល់វេលាម៉ោង១០ស្ត្រី ជាប្អូនថ្លៃក៏បានទៅដាស់ស្រាប់តែជនរងគ្រោះស្លាប់បាត់ទៅហើយ ទើបរាយការណ៍ទៅអាជ្ញាធរ និងសមត្ថកិច្ចចុះមកពិនិត្យជាក់ស្តែង។
សូមបញ្ជាក់ថា ជនរងគ្រោះមានជំងឺប្រចាំកាយរយៈពេល២ឆ្នាំមកហើយ និងតែងតែផឹកស្រាជាប្រចាំផងដែរ។
សមត្ថកិច្ចបានបញ្ជាក់ថា ជនរងគ្រោះស្លាប់ដោយសារខ្យល់គ។ ក្រោយពេលពិនិត្យរួចសមត្ថកិច្ចបានប្រគល់សពទៅអោយក្រុមគ្រួសារយកទៅធ្វើបុណ្យតាមប្រពៃណី៕
