ខេត្តពោធិសាត់៖ នៅថ្ងៃទី១២ ខែកញ្ញា ឆ្នាំ ២០១៧ មានករណីគ្រោះថ្នាក់ចរាចរណ៍មួយដែលធ្វើឲ្យខ្លួនមានវិបត្ដិសារី ចំពោះគ្រោះថ្នាក់នេះ តែគ្មានអ្នកណាម្នាក់ចង់ឲ្យវាកើតឡើងនោះទេ តែធ្វើមិចវាជារឿងអចេតនា គ្រោះថ្នាក់មើលមិនឃើញនោះទេ ទើបទិញឡានបាន ១ថ្ងៃ បើកឡានចូលផ្ទះ ហើយម្តាយមកបើកទ្វាអោយ ក៏ច្រលំជាន់ហ្គា ថែម បុកម្តាយខ្លួនឯងស្លាប់យ៉ាងអណោចអធម៌ ។ ហេតុការនេះកើតឡើង នៅ សង្កាត់បន្ទាយដី ក្រុងពោធិសាត់ ខេត្តពោធិសាត់។
យោងគណនីហ្វេសប៊ុកឈ្មោះ Vily Long បានឲ្យដឹងថា កូនលោកយាយត្រូវជាម្ដាយទើបទិញឡានថ្មីបានមួយថ្ងៃ ពេលបើកចូលផ្ទះ លោកយាយក៏បានបើកទ្វារឲ្យកូនបើកឡានចូល ក៏ច្រឡំជាន់ហ្គែរថែម បុកលោកយាយស្លាប់តែម្ដង។
គណនីហ្វេសប៊ុកខាងលើបានបង្ហោះខ្លឹមសារយ៉ាងដូច្នេះថា «ករណីគ្រោះថ្នាក់ចរាចរណ៍ ទិញឡានបាន1ថ្ងៃ បើកចូលផ្ទះម្តាយមកបើកទ្វារឲ្យ ក៏ងាស់ជាន់ហ្គែរថែម បុកម្តាយខ្លួនឯងស្លាប់ នៅសង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់។
នេះជាសារមួយសម្រាប់បងប្អូនដទៃទៀត ដើម្បីប្រុងប្រយ័ត្នក្នុងការបញ្ជាយានយន្តនានា។ សូមចូលរួមរំលែកទុកចំពោះក្រុមគ្រួសារនៃសពផង៕
