យោងតាម ផេគ ទំព័រព័ត៌មានមន្ទីរអប់រំ យុវជន និងកីឡា ខេត្តកំពង់ធំ បានបង្ហាញ ប្រវត្តិពិតរបស់បេក្ខជននិទ្ទេសA ដែលមានពិន្ទុមុខវិជ្ជាគណិតវិទ្យាខ្ពស់ជាងគេនៅទូទាំងប្រទេសគឺជាកូនចៅអ្នកស្រុកស្ទោង។
យុវសិស្សសាន ស្រីមុំ មានអាយុ18ឆ្នាំ គឺជាកូនកសិកររស់នៅភូមិ ក្អិន ឃុំចំណារលើ ស្រុកស្ទោងខេត្តកំពង់ធំ ។
ប្អូនស្រីមានឪពុកឈ្មោះថន សាន មុខរបរជាកសិករ និងម្ដាយឈ្មោះស៊ុំ វឿន មុខរបរជាកសិករ ដោយជីវភាពក្រីក្រប្អូនស្រី បានបង្ខំចិត្តចាកចោលគ្រួសារមកស្នាក់នៅមជ្ឈមណ្ឌលកុមារកំព្រាខេត្តកំពង់ធំ ដើម្បីមានឱកាសបន្តការសិក្សានៅវិទ្យាល័យកំពង់ធំ ។
ប្អូនស្រីបានប្រឡងជាប់សញ្ញាបត្រមធ្យមសិក្សាទុតិយភូមិ សម័យប្រឡង២១សីហា២០១៧ ទទួលបាននិទ្ទេសA ដែលមានពិន្ទុមុខវិជ្ជាគណិតវិទ្យាខ្ពស់ជាងគេនៅទូទាំងប្រទេស។
