ក្រសួងការពារជាតិរុស្ស៊ី បានប្រាប់ឲ្យថា ទីក្រុងមូស្គូ ធ្វើការសាកល្បងមីស៊ីលផ្លោងអន្តរទ្វីប ទទួលបានជោគជ័យ ហើយទុកប្រើប្រាស់សម្រាប់ការអភិវឌ្ឍជំនួយមីស៊ីលនាពេលអនាគត។ នេះបើយោងតាមគេហទំព័រសារព័ត៌មាន រុស្ស៊ី (RT) បានចុះផ្សាយនាយប់ថ្ងៃអង្គារ ទី២៦ ខែកញ្ញា ឆ្នាំ២០១៧។
ក្រសួងការពារជាតិរុស្ស៊ី បាននិយាយថា ការបាញ់សាកល្បងមីស៊ីលផ្លោងអន្តរទ្វីប RS-12M Topol ចេញពីកន្លែងធ្វើតេស្ត Kapustin Yar ភាគខាងត្បូងទីក្រុង Astrakhan ប្រទេសរុស្ស៊ី ដោយធ្លាក់នៅក្នុងតំបន់មួយ ក្នុងប្រទេសកាហ្សាក់ស្ថាន (Kazakhstan)។ ក្រសួងបានបន្ថែមទៀតថា ការបាញ់បង្ហោះនេះ បំណងសាកល្បងឧបករណ៍ប្រយុទ្ធកម្រិតខ្ពស់ និងអភិវឌ្ឍប្រព័ន្ធការពារមីស៊ីលរបស់សត្រូវ។
ទន្ទឹមនឹងនេះ មីស៊ីល ដ៏រឹងមាំខាងលើ ដែលមានសមត្ថភាពផ្ទុកនូវក្បាលគ្រាប់ជាច្រើនប្រភេទ ព្រមទាំងរចនាឡើង សម្រាប់ជំនួសកាំជ្រួចមីស៊ីល UR-100N ដែលត្រូវបានគេស្គាល់ថា ជាកាំជ្រួចប្រភេទ SS-19 Stiletto ដែលបង្កើតឡើងដោយ អង្គការណាតូ៕
