តារាចម្រៀង សុខ ពិសី កំពុងតែជិះរថយន្តទំនើបម៉ាក range roverស៊េរីឆ្នាំ២០១២ តែពេលនេះកញ្ញាកំពុងមានចំណាប់អារម្មណ៍លើរថយន្តទំនើបម៉ាក Lexus GX460 ស៊េរី ២០១៧ម្ដងវិញ ដោយនាងយល់ថា រថយន្តម៉ូដែលថ្មីនេះ ស្អាត ទូលាយ និងមានបច្ចេកវិទ្យាទំនើប ទើបនាងចាប់ផ្ដើមសិក្សាពីតម្លៃ...។
ការប្រើប្រាស់រថយន្តទំនើបម៉ាក range roverស៊េរីឆ្នាំ២០១២ សុខ ពិសី ត្រូវបានចំណោមអ្នកសិល្បៈជាច្រើនឲ្យតម្លៃថា នាងគឺជាតារាចម្រៀងល្បី និងមានជីវភាពល្អប្រសើរណាស់ទៅហើយ ព្រោះអ្នកសិល្បៈក្នុងស្រុកភាគតិចណាស់ ដែលមានលទ្ធភាពជិះរថយន្តតម្លៃខ្ពស់ដូចនាង ។ ទើបតែពេលនេះកញ្ញាបានបង្ហាញចេតនាចង់ប្ដូររថយន្តពី range rover ស៊េរីឆ្នាំ ២០១២ មកជិះ Lexus GX460 ស៊េរី ២០១៧ វិញម្ដង។
ស្របនឹងការShare ព័ត៌មានលម្អិត ពាក់ព័ន្ធនឹងការបង្ហាញម៉ាករថយន្តទំនើបម៉ាក Lexus GX460 ស៊េរី ២០១៧ នៅលើ Page ហ្វេសប៊ុករបស់ខ្លួន សុខ ពីសី បានប្រាប់ថា នាងពិតជាមានបំណងចង់ធ្វើជាម្ចាស់រថយន្តដ៏ទំនើបកំពុងល្បីម៉ាកLexus GX460 ស៊េរី ២០១៧ ពិតមែន ដូច្នេះហើយទើបនាង បង្ហាញព័ត៌មាននិយាយពីរថយន្តម៉ាកនេះលើហ្វេសប៊ុកឡើង ព្រោះនាងយល់ថាវា ស្អាត ទូលាយ និងបំពាក់សុវត្ថិភាពខ្ពស់ ។
សុខ ពិសី បន្តថា ព្រោះតែការស្រឡាញ់ ទើបនាងបានសិក្សាតម្លៃទាំងក្រៅ និងក្នុងស្រុក ហើយសម្រាប់តម្លៃនៅក្រៅតាមព័ត៌មានដែលនាងបានដឹង គឺជិត៦ម៉ឺនដុល្លារ ដូច្នេះហើយបើសិនជាមកដល់ស្រុកខ្មែរ ប្រហែលជាង១០ ម៉ឺនដុល្លារ ទាំងការបង់ពន្ធ ។ តម្លៃនេះទោះជានាងមានលទ្ធភាពក្ដី ប៉ុន្តែនាងមិនទាន់សម្រេចចិត្តនៅឡើយទេ ព្រោះត្រូវពិភាក្សាជាមួយគ្រួសារ ជាមិនសិនថា គួរទិញ ឬអត់ ព្រោះការទិញទ្រព្យធំៗនាងមិនដែលគិតតែម្នាក់ឯងទេ៕
