ក្រោយការបញ្ចេញសមត្ថភាពនៅវគ្គ Live Show Semi-Final (ពាក់កណ្ដាលផ្ដាច់ព្រ័ត្រ) យ៉ាងស្វិតស្វាញ កាលពីយប់មិញនៃកម្មវិធីប្រឡងចម្រៀងលំដាប់ពិភពលោក The Voice Kids Cambodian កុមារា និងកុមារីចំនួន ៦រូប ត្រូវបានជ្រើសរើសឲ្យទៅបន្តនៅវគ្គផ្ដាច់ព្រ័ត្រ ។
- សម្រាប់កូនក្រុម លោក ព្រាប សុវត្ថិ ដែលឡើងវគ្គផ្តាច់ព្រ័ត្រមាន ពេជ្រ ថៃ និង ឡុង លីគ័ង្គ
- ខណៈកូនក្រុម ឱក សុគន្ធកញ្ញា បានទៅលើកុមារី សុខ សុជាតា និងកុមារី រ៉ន ចាន់ឌីន
- និង កូនក្រុម សុគន្ធ និសា បានទៅលើកុមារី ឃុយ ម៉ីហៀង និងកុមារី ណូ ឈួស៊ីវហេង។
យ៉ាងណាមិញ ក្នុងចំណោមបេក្ខជន៦រូប សុទ្ធតែជើងខ្លាំងឡើងដល់វគ្គចុងក្រោយនោះ មហាជនផ្តោតខ្លាំងលើ ពេជ្រ ថៃ ជាងគេ បន្ទាប់មក ឃុយ ម៉ីហៀង និង រ៉ន ចាន់ឌីន។ យ៉ាងណា អ្វីៗអាចប្រែប្រួលមើលមិនឃើញ បើទោះជាមានការព្យាករណ៍ទុកមុនក៏ដោយ ព្រោះថា អ្នកផ្សេងៗទៀត ក៏យើងមិនអាចមើលរំលងបានដែរ៕
