បាត់ដំបងៈ ក្មេងប្រុសម្នាក់ បានយកក្រមាចង.កលេងនៅលើត្រាក់ទ័រ ដែលឈប់ចតស្ងៀម តែភ្លាត់ជើងធ្លាក់ ធ្វើឲ្យក្រម៉ារុំកដាច់ខ្យល់ស្លាប់តែម្តង។
ករណីដ៏គួរឲ្យអាណោចអាធ័ធមនេះ បានកើតឡើងកាលពីវេលាម៉ោង២រសៀលថ្ងៃទី២៨ ខែវិចិ្ឆកា ឆ្នាំ២០១៧ នៅចំណុចឡានក្រឡាប់ ស្ថិតក្នុងភូមិបេងស្អាត ឃុំភ្នំព្រឹក ស្រុកភ្នំព្រឹក ខេត្តបាត់ដំបង។
អធិការនគរបាលស្រុកភ្នំព្រឹក លោក ស៊ុង.សុភ័ក្រ បានឲ្យដឹងថា ក្មេងប្រុសរងគ្រោះឈ្មោះ ជឿង លី អាយុ១០ឆ្នាំ មានឪពុកឈ្មោះ គ្រី គ្រឿន អាយុ៤៤ឆ្នាំ ម្តាយឈ្មោះ ណូត ឌី អាយុ ៤៣ឆ្នាំ មានទីលំនៅភូមិតំណាងព្រះស្រី ឃុំបឹងប្រាំ ស្រុកបរវេល បាត់ដំបង មកស៊ីឈ្នួលកាច់ពោតនៅចំណុចកើតហេតុខាងលើ។
ក្រោយពីសមត្ថកិច្ចុះត្រួតពិនិត្យសាកសព ឃើញថា ក្មេងប្រុសរងគ្រោះពិតជាស្លាប់ ដោយសារយកក្រមាមករុំកលេង ហើយភ្លាត់ជើងរិតកស្លាប់ខ្លួនឯង។ ពិនិត្យចប់សព្វគ្រប់សព ត្រូវបានគ្រួសារយកទៅធ្វើពិធីបុណ្យសពតាមប្រពៃណី៕
