តារាចម្រៀងដែលតែងតែអភិវឌ្ឃន៍ខ្លួន ដូចជាការច្រៀង ក្បាច់រាំ និងការតុបតែងខ្លួនប្លែកៗ ពីមួយឆ្នាំទៅមួយឆ្នាំ គឺកញ្ញា ទេព បូព្រឹក្ស ហាក់កំពុងមានភាពមមាញឹកនៅក្នុងការងារសិល្បះខ្លាំង ជាពិសេសនៅចុងសប្តាហ៍កញ្ញាតែងតែត្រូវបានហៅឲ្យទៅប្រគុំតន្ត្រីធំៗនៅតាមបណ្តាលខេត្តនាៗជាច្រើន។
ដោយឡែក កាលពិម្សិលមិញ ឪពុករបស់តារាចម្រៀង ទេព បូព្រឹក្ស ហាក់មានការអាណិតដល់កូនរបស់ខ្លួន នៅពេលដែលនាងធំពេញវ័យ និងបញ្ហានាៗដែលនាងត្រូវឆ្លងកាត់ក្នុងវិថីសិល្បះកន្លងមក និងទៅថ្ងៃអនាគត។ ក្នុងនោះ លោកបានបង្ហោះវីដេអូរំលឹកអនុស្សាវរីយ៍កាលពីកូននៅអាយុ ៩ឆ្នាំ ឡើងសម្តែងដំបូងក្នុងកម្មវិធីទូរទស្សន៍ជាតិកម្ពុជា និងបានសរសេរសារមួយឃ្លាខ្លីបង្ហាញការបារម្មណ៍ និងស្រលាញ់ ចំពោះកូនស្រីថា “ចង់ឲ្យកូននៅតែប៉ុន្នឹងដ៍ដែលមិនចង់ឲ្យធំទេ”។
តាមរយៈវីដេអូនេះផងដែរ យើងអាចឃើញយ៉ាងច្បាស់ថា កញ្ញា ទេព បូព្រឹក្ស គឺមានដុងជាអ្នកសិល្បះ តាំងតែពីនាងនៅក្មេងមកម្ល៉េះ។ ចង់ជ្រាបច្បាស់ សូមទស្សនានៃការសម្តែងរបស់ កញ្ញា ទេព បូព្រឹក្ស ខាងក្រោម:
