ព្រឹត្តិការណ៍ភេរវកម្មវាយប្រហារលើអគារពាណិជ្ជកម្មពិភពលោក នៅអាមេរិក កាលពីថ្ងៃទី១១ ខែកញ្ញា ឆ្នាំ២០០១ ព្យុះកំណាចស៊ូណាមិ និងការចាកចេញរបស់អង់គ្លេសពីសហភាពអឺរ៉ុប ព្រឹត្តិការណ៍ទាំងនេះត្រូវបានគេដឹងថា លោកយាយដែលពិការដ៏អាថ៌កំបាំងម្នាក់បានទស្សន៍ទាយត្រូវ ហើយក៏បានធ្វើការព្យាករពីព្រឹត្ដិការណ៍ធំៗពីរកើតឡើងនៅក្នុងឆ្នាំ២០១៨ ខាងមុខនេះ។
លោកយាយ Baba Vanga ពិការភ្នែកទាំងសងខាង កើតនៅថ្ងៃទី៣១ ខែមករា ឆ្នាំ១៩១១ ហើយបានស្លាប់នៅថ្ងៃទី១១ ខែសីហា ឆ្នាំ១៩៩៦ ក្នុងអាយុ៨៥ឆ្នាំ មានសញ្ជាតិប៊ុលហ្គារី ត្រូវបានអះអាងថាជាមនុស្សអច្ឆរិយដែលអាច ទស្សន៍ទាយពីគ្រោះមហន្ដរាយធម្មជាតិ និងព្រឹត្ដិការណ៍ធំៗជុំវិញពិភពលោក។
ក្រុមអ្នកមានជំនឿលើអព្ភូតហេតុអរូបិយ បាននិយាយថាមុនពេលលោកយាយ Baba Vanga ទទួលមរណភាព គាត់បានទស្សន៍ទាយពីជោគវាសនាអនាគតរបស់មនុស្សលោករហូតដល់ទសវត្សរ៍ទី៥១ វាជាអវសានពិភពលោក។
លោកយាយ ត្រូវបានគេដាក់រហ្សនាមថា ទស្សនវិទូ នូស្ដ្រាដាមូស មកពី បាល់កាន» បានទស្សន៍ទាយថា មានព្រឹត្តិការណ៍ធំៗពីរក្នុងឆ្នាំ២០១៨ ទី១ ប្រទេសចិននឹងគ្រងតំណែងសហរដ្ឋអាមេរិកជាប្រទេសមហាអំណាចធំបំផុតក្នុងពិភពលោកនេះ។ ទី២ ថាមពលអគ្គិសនីប្រភេទថ្មីនឹងត្រូវបានរកឃើញលើភពផ្កាយព្រះសុក្រ។
ក្រុមអ្នកមានជំនឿលើក្បួនតម្រាបាននិយាយថា លោកយាយ Baba Vanga ក៏បានព្យាករពីការវាយប្រហារភេរវកម្ម ១១ ខែកញ្ញា ឆ្នាំ២០០១ ដោយបាននិយាយថា បក្សីដែក២ក្បាលនឹងវាយប្រហារអាមេរិក។
ក្រុមអ្នកគាំទ្របានបញ្ជាក់ថា វាអាចមានករណីខ្លះបានក្លាយជាការពិត។ លោកយាយបានអះអាងថា លោក Barack Obama នឹងក្លាយជាប្រធានាធិបតីអាមេរិកចុងក្រោយ ។
ព្រឹត្ដិការណ៍អាសន្នផ្សេងៗទៀតដែលលោកយាយ Baba Vanga បានព្រមានថែមទៀតនោះ រួមមាន នៅឆ្នាំ២០២៨គ្រោះមហន្ដរាយស្បៀងអាហារ នៅឆ្នាំ២២៥៦ ការប្រើប្រាស់សព្វាវុធនុយក្លេអ៊ែរដើម្បីគ្រប់គ្រងភពផ្កាយព្រះអង្គារ និងផែនដីអស់មនុស្សរស់នៅក្នុងឆ្នាំ២៣៤១។
