ដោយយោងទៅតាមសារព័ត៌មានក្នុងស្រុករបស់ប្រទេសចិន Shanghaiist បានចុះផ្សាយពីករណីដ៏ហួសចិត្តមួយ ដោយសារស្ត្រីចិត្តកំណាចម្នាក់បានរុញច្រានគិលានុបដ្ឋាយិកាម្នាក់ដែលកំពុងមានផ្ទៃពោះ ឱ្យដួលទៅលើឥដ្ឋ និង យកជើងធាត់គ្មានត្រាប្រណី គឺព្រោះតែខឹងគិលានុបដ្ឋាយិការូបនោះធ្វើឱ្យកូនរបស់នាងយំ ។
សារព័ត៌មានបានសរសេរបន្តទៀតថា គិលានុបដ្ឋាយិកាកំពុងមានផ្ទៃពោះនោះ បានមកចាក់ថ្នាំឱ្យកូនរបស់ស្ត្រីបង្ក តែមុនចាក់គាត់ក៏បានព្យាយាមចាប់ក្មេងកុំឱ្យរើ ព្រោះងាយស្រួលដល់ការចាក់ថ្នាំ តែក្មេងនោះក៏បានស្រែកយំយ៉ាងខ្លាំង ។ រំពេចនោះ ស្ត្រីបង្កក៏កើតក្ដីខឹងសម្បាយ៉ាងខ្លាំង ហើយក៏បានច្រានគិលានុបដ្ឋាយិកាដែលកំពុងមានផ្ទៃពោះនោះឱ្យ ដួលហើយថែមទាំងធាក់ប៉ុន្មានជើងទៀតផង ដែលទង្វើនេះបានធ្វើឱ្យគិលានុបដ្ឋាយិការងគ្រោះ មានឈាមហូរតាមប្រដាប់ភេទ ទើបនាងក៏បានស្រែកយំយ៉ាងខ្លាំង ព្រោះតែត្រូវប្រឈមមុខ និង រលូតកូន ។
បន្ទាប់ពីហេតុការណ៍នោះបានបញ្ចាប់ ស្ត្រីបង្កត្រូវបានសម្ថកិច្ចចាប់ខ្លួន និង ស៊ើបអង្កេតបន្តទៀតមុននឹងដាក់ទោស ចំណែកប្ដីរបស់នាងវិញ ថ្វីបើមិនបានពាក់ព័ន្ធនឹងអំពើហិង្សានោះពិតមែន តែគាត់ក៏ត្រូវបានបណ្ដេញចេញពីការងារផងដែរ ៕
