បាត់ដំបងៈ រថយន្តកូរ៉ូឡា១គ្រឿង បើកជ្រុលបុកក្មេងកំពុងជិះកង់២នាក់ បណ្តាលឲ្យរបួសធ្ងន់ ត្រូវសមត្ថកិច្ចឃាត់ម្ចាស់រថយន្តបាន និងឆែកឆេរ ស្រាប់តែរកឃើញថ្នាំញៀនជាងកន្លះគីឡូ រួមនឹងសម្ភារពាក់ព័ន្ធគ្រឿងញៀនមួយចំនួនទៀត។
ករណីនេះ បានកើតឡើងកាលពីរសៀល ថ្ងៃទី៣ ខែធ្នូ ឆ្នាំ២០១៧ នៅតាមបណ្តោយផ្លូវជាតិលេខ៥ ស្ថិតក្នុងភូមិប៉ោយយង់ ឃុំតាណូង ស្រុកថ្មគោល។
សមត្ថកិច្ចបានឲ្យដឹងថា រថយន្តបង្កម៉ាកកូរ៉ូឡា ពណ៌សុីជម្ពូ ពាក់ស្លាកលេខ ភ្នំពេញ 2x-3630 បើកបរដោយបុរសម្នាក់ឈ្មោះ កើ ហាំសះ អាយុ២៩ឆ្នាំ រស់នៅភូមិជម្ពូវន្ត សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ចំណែកក្មេងរងរបួសទាំង២នាក់ ត្រូវបានក្រុមគ្រួសារដឹកបញ្ជូនទៅព្យាបាលរបួសនៅមន្ទីរពេទ្យភ្លាមៗក្រោយពេលកើតហេតុ។
សមត្ថកិច្ចបានបន្តថា ក្រោយពីជួបគ្រោះថ្នាក់ កម្លាំងបានឃាត់អ្នកបើកបរ និងឆែកឆេរនៅក្នុងរថយន្ត ស្រាប់តែរកឃើញថ្នាំញៀនប្រភេទមេតំហ្វេតាមីនហៅម៉ាទឹកកក១ថង់ធំ ទម្ងន់៦៤,៣៣ក្រាម, ជញ្ជីងសម្រាប់ថ្លឹងថ្នាំញៀន១គ្រឿង រួមទាំងសម្ភារសម្រាប់ប្រើប្រាស់ថ្នាំញៀនជាច្រើនទៀត។
ក្រោយកើតហេតុ សមត្ថកិច្ចបានឃាត់ខ្លួនជនសង្ស័យជាបណ្តោះអាសន្ន ដើម្បីសាកសួរ និងកសាងសំណុំរឿងចាត់ការតាមច្បាប់៕
