ព្រៃវែងៈ យុវតីម្នាក់ សម្រេចចិត្តបញ្ចប់ជីវិត ដោយចង.កសម្លាប់ខ្លួន សង្ស័យមកពីក្រុមគ្រួសារចាប់បង្ខំឲ្យរៀបការ។
ហេតុការណ៍នេះ បានកើតឡើងកាលពីថ្ងៃអាទិត្យ ៧រោច ខែមិគសិរ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១០ ខែធ្នូ ឆ្នាំ២០១៧ វេលាម៉ោង៨ និង៤០នាទី ស្ថិតក្នុងភូមិពោធិ៍ ឃុំក្របៅ ស្រុកកំចាយមារ ខេត្តព្រៃវែង។
យុវតីរងគ្រោះឈ្មោះ សុខា ដេត អាយុ១៨ឆ្នាំ ជនជាតិខ្មែរ មុខរបកសិករ រស់នៅភូមិកើតហេតុខាងលើ។
ប្រភពពីកន្លែងកើតហេតុបានឲ្យដឹងថា មុនពេលកើតហេតុ គេបានឮដំណឹងថា ក្រុមគ្រួសារយុវតីរងគ្រោះខាងលើ បានបង្ខំឲ្យរៀបការ តែនាងមិនព្រម។ ទោះជាយ៉ាងណាក៏ដោយ ម្តាយឪពុកដាក់កំហឹតថា ចាំបាច់ត្រូវតែរៀបការ។ ប្រហែលមកពីគំនៀបពីគ្រួសារ ហើយម្យ៉ាងបុរសដែលឪពុកម្តាយរបស់យុវតីរងគ្រោះបង្ខំឲ្យនាងរៀបការជាមួយនោះ មិនមែនជាមនុស្សដែលនាងស្រឡាញ់ ទើបមកដល់ថ្ងៃកើតហេតុ ស្រាប់តែយុវតីរងគ្រោះធ្វើអត្តឃាតចង.កសម្លាប់ខ្លួនបញ្ចប់ជីវិតតែម្តង។
ក្រោយកើតហេតុ នគរបាលមូលដ្ឋានបានចុះទៅត្រួតពិនិត្យ និងធ្វើកោសល្យវិច័យ រួចប្រគល់សាកសពឲ្យទៅក្រុមគ្រួសារដើម្បីធ្វើបុណ្យតាមប្រពៃណី៕
