ភ្នំពេញៈ មានការចាប់អារម្មណ៍ប៉ុន្មានថ្ងៃនេះ ផ្អើលពេលឃើញតួសម្តែងបុរស២ដួង នាំគ្នាថតរូបមង្គលការដោយគោលដៅបែបបុរសស្រឡាញ់បុរស នាំឲ្យមានការតាមដាន ហើយការសម្តែងនេះ មិនដឹងថា អ្នកទាំង២អាចលួចចិត្តចងស្នេហ៍គ្នាអត់ទេ បើថតរូបស៊ីជម្រៅអ៊ីចឹង។
ក្រោយពេលដែលតារាប្រុស២រូប ដែលត្រូវគេស្គាល់យ៉ាងច្រើននាក់ទៅហើយ បានលេងមួយក្បាច់នាំគ្នាថតរូបបុរសស្រឡាញ់បុរសផ្អើលតែម្តង ដោយសារតែនោះជាឈុតថតរូបមង្គលការស្នេហ៍ភេទដូចគ្នា។ អ៊ីចឹងហើយ បើទោះជារូបនេះ ធ្លាយប៉ុន្មានថ្ងៃមែនតែចំនួនអ្នកចូលទស្សនាកាន់តែច្រើនជាពិសេសភេទទី៣។
លោក ជា លាងឈែ បានសរសេររៀបរាប់ជាមួយរូបថត Pre Wedding ៤ សន្លឹកថា "Pre wedding បែបហ្នឹងមាននៅស្រុកខ្មែរដែរតើ"។ ក្រោយពីឃើញពាក្យពេចន៍អមជាមួយរូបថតដ៏ស្រស់សង្ហារវាង ជា លៀងឈែ ជាមួយ គឹម តារា បានធ្វើឲ្យអ្នកគាំទ្រមួយចំនួន បានសរសើរថា អ្នកទាំងពីសង្ហាដូចគ្នា និងសមគ្នាខ្លាំងបំផុត។
នៅកម្ពុជាយើងនាពេលបច្ចុប្បន្ននេះ គេសង្កេតថា បញ្ហាបុរសស្រឡាញ់បុរសនេះ កំពុងតែហក់ឡើង ខ្លះបើកចំហ ខ្លះទៀតបិទបាំង។ ជាពិសេសគេឃើញបុរសមួយចំនួនហ៊ានលាតត្រដាងការពិតរៀបការជាមួយគ្នាយ៉ាញពេញមុខ ធ្វើឲ្យកាន់តែចម្លែកទៅ នៅក្នុងសង្គមយើង៕
