នៅថ្ងៃទី០៣ ខែធ្នូ ឆ្នាំ២០១៧ នេះ វិដេអូឃ្លីបអប់រំ រឿងបង្គួយពាក់ម្គុដ របស់ព្រះតេជគុណភិក្ខុវជិរប្បញ្ញោ គូ សុភាព ត្រូវបានលោក សម រង្ស៊ី អតីតប្រធានគណបក្សសង្រ្គោះជាតិ យកទៅកាត់តភ្ជាប់ជាមួយសម្តេច ហ៊ុន សែន ហើយដាក់ចំណងជើងថា៖ ចរិតរបស់លោក ហ៊ុន សែន ដូចក្នុងរឿងបង្គួយពាក់ម្គុដ!
ភ្លាមៗ ព្រះតេជគុណភិក្ខុវជិរប្បញ្ញោ គូ សុភាព បានសរសេរក្នុងទំព័រហ្វេសប៊ុក ព្រះអង្គថា៖ សូមមេត្តាកុំភ្ជាប់អាត្មាទៅនឹងជម្លោះនយោបាយអី។ អាត្មាសូមបិណ្ឌបាតឱ្យលោក (សម រង្ស៊ី) លុបវីដេអូនេះ ចេញពី Page របស់លោក។ សូមមេត្តាអធ្យាស្រ័យដល់អាត្មាផង
វិដេអូឃ្លីបនេះ បានបង្ហោះក្នុងទំព័រហ្វេសប៊ុកលោក សម រង្ស៊ី មានអ្នកមើលចំនួនជាង២២ពាន់នាក់ (22K)។
