នៅយប់ថ្ងៃទី១៩ ខែធ្នូ ឆ្នាំ២០១៧ នេះ វេលាម៉ោងង ១១:៣០យប់ ដល់ ១២:៣០យប់ ម៉ោងកម្ពុជា កញ្ញា កឹ់ម មនោវិទ្យា អគ្គនាយករងផ្នែកទំនាក់ទំនងកិច្ចការសាធារណៈ នៃអតីតគណបក្សសង្រ្គោះជាតិ នឹងចូលរួមក្នុងកិច្ចពិភាក្សា ដែលរៀបចំឡើងដោយស្ថានបេសកកម្មអចិន្ត្រៃយ៍សហរដ្ឋអាមេរិក និងស្ថានបេសកកម្មអចិន្ត្រៃយ៍សហភាពអឺរ៉ុប នៅអង្គការសហប្រជាជាតិ (បូរី នូវយ៉ក សហរដ្ឋអាមេរិក) ស្តីពីការធ្លាក់ចុះនៃលិទ្ធិប្រជាធិបតេយ្យនៅកម្ពុជា។ ក្នុងកិច្ចពិភាក្សានេះ ក៏មានវត្តមាន លោក ប៉ា ងួនទៀង ស្ថាបនិកនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ និងលោក John Sifton នាយកផ្នែកតស៊ូមតិប្រចាំអង្គការឃ្លាំមើលសិទ្ធិមនុស្សអន្តរជាតិនៅតំបន់អាស៊ី ធ្វើជាសក្ខីកម្មផងដែរ។
ទំព័រហ្វេសប៊ុករបស់ លោក កឹម សុខា នឹងមានវីដេអូផ្សាយជូនបន្ទាប់ចប់កម្មវិធី នៅព្រឹកឡើងនៃថ្ងៃទី២០ ខែធ្នូ ឆ្នាំ២០១៨ នៅកម្ពុជា។
ស្ថានបេសកកម្មកម្ពុជាអចិន្ត្រៃយ៍នៃព្រះរាជាណាចក្រកម្ពុជា ប្រចាំនៅអង្គការសហប្រជាជាតិ សូមធ្វើការតវ៉ាយ៉ាងខ្លាំងក្ខាប្រឆាំងនឹងការពិភាក្សាបែបនេះ បានបង្ហាញការតវ៉ាប្រឆាំងនឹងអាមេរិក និងសហភាពអឺរ៉ុប កាលពីថ្ងៃម្សិលមិញនេះ ដោយចោទថា បានជ្រៀតជ្រែកកិច្ចការផ្ទៃក្នុងកម្ពុជា ខណៈដែលពួកគេគ្រោងរៀបចំវេទិកាមួយដែលនឹងជជែកអំពីបញ្ហាលទ្ធិប្រជាធិបតេយ្យនៅកម្ពុជា។
