នៅថ្ងៃទី១៥ ខែមករា ឆ្នាំ២០១៨ សម្តេច ហ៊ុន សែន បានធ្វើជាអធិបតីសម្ពោធដាក់ឱ្យប្រើប្រាស់អគារព្យាបាលជំងឺមហារីកដែលបំពាក់ដោយម៉ាស៊ីន និងឧបករណ៍ព្យាបាលជំងឺមហារីកដែលមានបច្ចេកវិទ្យាចុងក្រោយបំផុតនៅក្នុងបរិវេណមន្ទីរពេទ្យកាល់ម៉ែត្រ។
កម្ពុជាសូមអបអរសាទរ ចំពោះកាបង្កើតនូវអគារព្យាបាលជំងឺមហារីកដែលបំពាក់ដោយម៉ាស៊ីន និងឧបករណ៍ព្យាបាលជំងឺមហារីកដែលមានបច្ចេកវិទ្យាចុងក្រោយបំផុត នៅក្នុងបរិវេណមន្ទីរពេទ្យកាល់ម៉ែត្រ ដើម្បីជួយព្យាបាលបងប្អូនប្រជាពលរដ្ឋខ្មែរ។
នេះគឺជាការយកចិត្តទុកដាក់ដ៏ខ្ពង់ខ្ពស់បំផុតរបស់ សម្តេចតេជោ ហ៊ុន សែន ដើម្បីជួយសម្រួលដល់បងប្អូនប្រជាពលរដ្ឋអោយមានលទ្ឋភាពអាចព្យាបាលជំងឺមហារីកបាននៅក្នុងប្រទេសដោយមានតម្លៃថោកបំផុតដោយមិនចាំបាច់ធ្វើដំណើរទៅបរទេស។
យើងសង្កេតឃើញថា ថ្នាក់ដឹកនាំ មន្ត្រីជាន់ខ្ពស់ ក៏ដូចជាប្រជាពលរដ្ឋដែលមានជីវភាពធូរធាតែងតែចេញទៅពិនិត្យ ព្យាបាលជំងឺនៅឯបរទេស។
