ទង្វើ និងការគិតខុសរបស់យុវវ័យ ចំពោះពិធីបុណ្យនៃក្តីស្រលាញ់ បានបង្កឲ្យមានការបារម្ភកាន់តែខ្លាំងឡើងៗ ចំពោះផលប៉ះពាល់ដល់សង្គមខ្មែរទាំងមូលនាពេលបច្ចុប្បន្ន ទោះបីជាពេលកន្លងមកមានការជូនដំណឹង ព្រមាន និងអប់រំយ៉ាងណាក្តី។
ជាថ្មីម្តងទៀត កាលពីម្សិលមិញ ថ្ងៃទី០៦ ខែកុម្ភះ ឆ្នាំ២០១៨ ក្រសួងវប្បធម៌ និងវិចិត្រសិល្បៈ បានចេញសេចក្ដីណែនាំស្ដីពីវិធានការណ៍ទប់ស្កាត់សកម្មភាពមិនប្រក្រតីក្នុងទិវានៃក្ដីស្រឡាញ់ នៅតាមទីកន្លែងនាៗដូចជា គ្រឹះស្ថានសិក្សា សាធារណៈ និងឯកជន ដើម្បីចូលរួមអភិរក្សវប្បធម៍ប្រពៃណីខ្មែរ ព្រមទាំងកែប្រែផ្នល់គំនិតរបស់យុវវ័យដែលច្រលំថាថាថ្ងៃទី១៤ ខែកុម្ភះ គឺជាថ្ងៃបុណ្យសង្សា ឬថ្ងៃដែលគូស្នេហ៍ណាត់ជួបគ្នា។
ដោយការពិតអត្ថន័យនៃថ្ងៃទី១៤ ខែកុម្ភះ គឺជាវេលាមួយសម្រាប់មនុស្សនៅលើសកលលោក ចែករំលែកក្តីស្រលាញ់ពិតចេញពីទឹកចិត្តដ៏ល្អស្មោះសរ ដូចជាផ្កា ឬការដូ ចំពោះមនុស្សនៅជុំវិញខ្លួន រួមមាន គ្រួសារ យាយតា ឪពុកម្តាយ បងប្អូន គ្រូ មិត្តភក្តិ ហើយក៏ពេលវេលាសម្រាប់ចែករំលែកក្តីស្រលាញ់ចំពោះមនុស្សដែលរស់នៅក្នុងសង្គមតែមួយ ដូចជា ជនពិការ មនុស្សក្រីក្រ ជាដើម….។ល។
សេចក្តីណែនាំទាំងស្រុងរបស់ក្រសួន មាននៅក្នុងរូបខាងក្រោមនេះ:
