ផ្លូវដែកកម្ពុជា-ថៃ ត្រូវបានភ្ជាប់ពីបាងកក-ដល់សេរីសោភ័ណ ជាស្ថាពរហើយនៅថ្ងៃនេះ
នៅថ្ងៃទី១៣ ខែកុម្ភៈ ឆ្នាំ២០១៨ នេះ ក្រសួងសាធារណការនិងដឹកជញ្ជូន បានចេញផ្សាយតាមរយៈគេហទំព័រហ្វេសប៊ុកថា៖ ផ្លូវដែកកម្ពុជា-ថៃ ត្រូវបានភ្ជាប់ពីបាងកក-ដល់សេរីសោភ័ណ ខេត្តបន្ទាយមានជ័យ បានសាងសង់រួចរាល់ជាស្ថាពរហើយនៅថ្ងៃនេះ។
បើតាមព័ត៌មានរបស់ក្រសួងបានបញ្ជាក់ថា៖ ដើម្បីឆ្លើយតប និងការចូលរួមកាត់បន្ថយចំណាយលើការដឹកជញ្ជូន និងកាត់បន្ថយគ្រោះថ្នាក់ព្រមទាំងការកកស្ទះចរាចរណ៍ ក្រសួងសាធារណការ និងដឹកជញ្ជូន គ្រោងដាក់ដំណើរការសាកល្បង នូវការផ្តល់សេវាដឹកជញ្ជូនតាមផ្លូវដែកនេះនៅមុនឱកាសចូលឆ្នាំខ្មែរ។
គួររំលឹកថា ស្ពានដែកឆ្លងកាត់អូរព្រំដែនរវាងប្រទេសទាំងពីរគឺជាជំនួយរបស់ភាគីថៃដោយចំណាយថវិកាអស់ជាង ១ លានដុល្លារក្រៅពីនេះគឺប្រើថវិកាជាតិទាំងអស់ ប៉ុន្តែដែកចាស់ៗដែលត្រូវផ្លាស់ប្ដូរមកដែកថ្មីគឺជាជំនួយរបស់ប្រទេសម៉ាឡេស៊ីហើយភាគីថៃជាអ្នកជួយដឹកពីម៉ាឡេស៊ីមកឲ្យកម្ពុជា។
