ភ្នំពេញៈ ក្មេងប្រុសស្រី៤នាក់ បានឲ្យរងរបួសធ្ងន់ស្រាល ខណៈកំពុងតែឡើងជិះទោងយោល នៅក្នុងមជ្ឈមណ្ឌលកោះពេជ្រ ស្រាប់តែដាច់គន្លឹះទោងយោលធ្លាក់ចុះមក បង្កឲ្យមានការភ្ញាក់ផ្អើល កាលពីវេលាម៉ោង ៧និង៣០នាទីយប់ថ្ងៃអង្គារ ១៣កើត ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៧ ខែកុម្ភៈ ឆ្នាំ២០១៨ ក្នុងមជ្ឃមណ្ឌលកោះពេជ្រ ស្ថិតនៅចំណុចកន្លែងក្មេងលេង ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
អ្នកឃើញហេតុការណ៍ បានឲ្យដឹងថា មុនពេលកើតហេតុ មានក្មេងប្រុសស្រីចំនួន៤នាក់ បាននាំគ្នាមកកម្សាន្តនៅក្នុងមជ្ឃមណ្ឌលកោះពេជ្រ និងបានដើរទៅលេងនៅកន្លែងក្មេងលេងដោយនាំគ្នាឡើងជិះទោងយោល ដោយប្រើម៉ាស៊ីនក្នុងម្នាក់៤០០០រៀល ខណៈកំពុងតែជិះយ៉ាងសប្បាយ ក៏ស្រាប់តែដាច់គន្លឹះទោងយោល បណ្តាលឲ្យធ្លាក់ ធ្វើឲ្យក្មេងទាំង៣នាក់ រងរបួសស្រាស ក្នុងនោះមានក្មេងស្រីម្នាក់ របួសធ្ងន់ចំដៃ ត្រូវបានដឹកបញ្ជូនទៅកាន់មន្ទីរពេទ្យផងដែរ។
ក្រោយពេលកើតហេតុ ម្ចាស់ទោងយោលខាងលើ បានសន្យាថា នឹងធានាចេញថ្លៃថ្នាំពេទ្យ ឲ្យក្មេង ដែលរងរបួសទាំងអស់ផងដែរ៕
