កម្សាន្តៈ បើទោះជាពិធីមង្គលការរបស់នាយ ចយ នាព្រឹកនេះ គេសង្កេតឃើញមិនសូវមានអ្នកសិល្បៈចូលរួមមែន ប៉ុន្តែទាំងនាយ ចយ និងអនាគតភរិយាបានញញឹមបិទមាត់មិនជិតឡើយ ជាមួយនឹងវត្តមានចូលរួមអបអរពីមិត្តភក្តិ បងប្អូនទាំងសងខាង។
យ៉ាងណាមិញ តាមប្រភពពីសិល្បៈ បានឲ្យដឹងថា បើមិនមានការប្រែប្រួលនោះទេ លោក ហ៊ុន ម៉ាណែត ក៏នឹងផ្តល់វត្តមានចូលរួមជាកិត្តិយស ក្រោមការអាណិតស្រឡាញ់នាយ ចយ ដែលតស៊ូជាមួយសិល្បៈតាំងពីតូច ទោះបីរូបរាងបែបណាក៏ មិនដែលតូចចិត្ត ។ លើសពីនេះ គេរំពឹងទៀតថា សិល្បករជាច្រើននឹងចូលរួមសម្តែងការត្រេកអរ ជាមួយនាយ ចយ ក្នុងនោះនាយក្រឹម ដែលប្រៀបដូចជាឪពុក និងមានកាដូពិសេសព្រមជាមួយការរំភើប ក្រោយកូនក្រុមរបស់ខ្លួនរកបានអនាគតល្អ ដូចមនុស្សទូទៅក្លាយជាមេគ្រួសារ។
មហាជនបានកោតសរសើរដល់ប្រពន្ឋនាយ ចយ ដែលជាយុវតីវ័យក្មេងស្អាតទៀត តែមិនប្រកាន់រឿងសម្រស់សុខចិត្តបញ្ចប់ភាពនៅលីវផ្ញើវាសនាជាមួយបងចយ ពិតជាគូព្រេងកំដររកបាន៕
