កីឡាករ វង្ស ណយ រហ័សនាមកូននាគប៉ៃលិន អ្នកប្រដាល់ក្បាច់បុរាណខ្មែរ ដែលជាកូនសិស្សរបស់លោក ឈិត សារឹម ដែលជារឿយៗតែងតែរអ៊ូរទាំជានិច្ច អំពីជីវភាពដ៏លំបាករបស់អ្នកប្រដាល់ ព្រោះតែគ្មានការយកចិត្តទុកដាក់ពីអ្នកពាក់ព័ន្ធ និងទទួលបានតម្លៃខ្លួនទាបជាហេតុបង្ខំចិត្តរកមុខរបរផ្សេងៗបន្ថែមដើម្បីជីវភាព ។
ដោយឡែកថ្មីៗនេះលោកបានធ្វើរឿងខុសប្លែកពីអាជីពរបស់ខ្លួនថ្មីទៀតហើយ ធ្វើឲ្យមានការភ្ញាក់ផ្អើលយ៉ាងខ្លាំងខណៈបែកធ្លាយរូបអ្នកប្រដាល់រូបនេះ នៅលើបណ្ដាញសង្គម ជាមួយនឹងការតុបតែងខ្លួនជាអ្នកល្ខោន ដែលធ្វើឲ្យអ្នកគាំទ្រលាន់មាត់ថា « តិចអត់ស្គាល់ទៅ ! ពេលកីឡាករប្រដាល់ពូកែកែង វង្ស ណយ តែងខ្លួនចឹង»។
