កញ្ញា វ៉ាន់ នីឡា គឺជាតារាកំប្លែងវ័យក្មេងមួយរូបដែលមានសម្រស់ស្រស់ស្អាត និងជាកូនស្រីសំណប់ចិត្តតែមួយគត់របស់ លោក សុវណ្ណ រិទ្ធី ហៅលោកតា វិចទ័រ ដែលជាអ្នកគ្រប់គ្រងក្រុមកំប្លែងនាយ ពាក់មី។ មហាជនបានដឹងថា លោកតា វិចទ័រ គឺជាឪពុកដ៏ឧត្តមម្នាក់ លោកតែងតែផ្តល់ការប្រៀនប្រដៅ បារម្ភ និងគោរពការសម្រេចចិត្ត និងការជ្រើសរើសរបស់កូនៗទៀតផង។
ដោយឡែក មុននេះបន្តិចស្រាប់តែលោកតា វិចទ័រ បង្ហោះសារសម្តែងការសោកស្តាយមួយ បន្ទាប់ពីលោកបានស្រែកស្តីបន្ទោសអោយកូនស្រី នីឡា ពេលកំពុងដឹកនាំថតរឿង ដែលមានកូនស្រីជាអ្នកដើរតួផ្ទាល់ ក្នុងនោះគេក៏ឃើញមានរូបថតប៉ុន្មានបន្លឹករបស់ នីឡា កំពុងស្ថិតនៅក្នុងមន្ទីពេទ្យផងដែរ។
ក្នុងនោះលោកតា វិចទ័រ បានសរសេេរសារបែបនេះថា:
នីឡាឆាប់បានធូស្បើយណាកូន។
ប៉ាស្តាយណាស់ ពីម្សិលមិញប៉ាស្រែក គំហកដាក់កូនពេកថតរឿង។ តាមបទពិសោធន៏ ប៉ាមិនដែលស្រែកសំឡុតតួទេ។ ប៉ាម៉ាក់ស្រលាញ់កូន! ឆាប់ជាណាមីកំពូលរបស់ ប៉ា ម៉ាក់!
