កាលពីថ្ងៃទី០១ ខែកុម្ភៈ ឆ្នាំ២០១៨ នៅទីស្តីការក្រសួងសុខាភិបាល ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល បានអញ្ជើញចុះហត្តលេខាលើកិច្ចព្រមព្រៀងអនុវត្តគម្រោងជំនួយគ្លីនិកចល័ត ជាមួយ ឯកឧត្តម លី អាន ទីប្រឹក្សាសេដ្ឋកិច្ច និងពាណិជ្ជកម្មនៃស្ថានទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា។
រដ្ឋមន្ត្រីក្រសួងសុខាភិបាល បានអំពាវនាវដល់ប្រជាពលរដ្ឋទូទាំងប្រទេសឲ្យប្រុងប្រយ័ត្នចំពោះការបរិភោគអាហារ ជាពិសេសកុំបរិភោគ និងលក់សាច់បក្សីឈឺ ឬងាប់ ដើម្បីការពារការឆ្លងនូវជំងឺផ្ដាសាយបក្សី អេច្ឆ.ហ្វាយ.អ៊ិន.វ័ន (H5N1)។ លោកណែនាំថា ពេលមានមាន់ ទា ងាប់ ត្រូវកប់ចោល កុំយកទៅបរិភោគ ឬលក់ ហើយបើឃើញងាប់ច្រើន ត្រូវមកប្រាប់ពេទ្យសត្វដើម្បីជួយបង្ការកុំឲ្យសត្វឆ្លងមកសត្វបន្ថែមទៀត និងមនុស្សមកមនុស្ស ពិសេសកុំឲ្យក្មេងៗប៉ះពាល់ជាមួយបក្សីឈឺ ឬងាប់ ហើយត្រូវមានអនាម័យ។ ជាពិសេសបើឃើញមានរោគសញ្ញាអ្វីប្លែកប្រញាប់មកមន្ទីរពេទ្យភ្លាមៗ។ ក្នុងឱកាសបុណ្យចូលឆ្នាំចិន ខាងមុខនេះ គឺនឹងមានតម្រូវការសាច់ច្រើន ដូចនេះសូមប្រជាពលរដ្ឋប្រុងប្រយ័ត្ន។ ។
លោក ម៉ម ប៊ុនហេង បានប្រាប់ពីរោគសញ្ញាជំងឺនេះមានដូចជា គ្រុនក្ដៅលើសពី ៣៨,៥ អង្សាសេ និងមានរោគសញ្ញាក្អក ឬឈឺក ឬដកដង្ហើមហត់ និងមានប្រវត្តិប៉ះពាល់ជាមួយបក្សីឈឺ ឬងាប់ ក្នុងអំឡុងពេល ៧ថ្ងៃមុនចេញរោគសញ្ញា។
សូមបញ្ជាក់ថា កាលពីចុងឆ្នាំ២០១៧ កន្លងទៅនេះ ក៏មានផ្ទុះករណីជំងឺផ្ដាសាយបក្សីនៅក្នុងខេត្តកំពង់ចាម និងខេត្តកំពង់ធំ ដែរ តែត្រូវបានទប់ស្កាត់ទាន់ពេលវេលា។
ចាប់តាំងពីឆ្នាំ២០០៥ ដល់២០១៤ ប្រទេសកម្ពុជា ធ្លាប់កើតមានជំងឺផ្ដាសាយបក្សី ដែលបានឆ្លងពីសត្វបក្សីមកមនុស្សចំនួន ៥៦ករណី ដែលក្នុងនោះ ៣៧ករណីបានស្លាប់៕
