តើប្រិយមិត្តធ្លាប់បានចាប់អារម្មណ៍កែវទឹកដែលដាក់លើតុ នៅពេលសម្តេច ហ៊ុន សែន ថ្លែងសុន្ទរកថាម្តងៗដែរឬទេ?
តាមចាស់បុរាណខ្មែរពីដើម តែងមានជំនឿទៅលើមន្តអាគមអូមអាមដែលអាចធ្វើឲ្យមនុស្សស្លាប់ និងរស់ក្នុងគ្រាណាមួយ។ លោកតា កៅ សារ៉ន ព្រឹទ្ធាចារ្យមួយរូបបានអះអាងថា អាគមអូមអាម ឬសិល្ប៍វេទមន្តព្យាបាទមនុស្សដល់ស្លាប់នោះគ្មានទេ ប៉ុន្តែចាស់ពីដើមនិយមរៀនវិជ្ជាភាសាសត្វដើម្បីការពារខ្លួន និងសម្រាប់បញ្ជាសត្វឲ្យទៅសម្លាប់មនុស្សខ្លួនស្អប់។
លោកព្រឹទ្ធាចារ្យ ពន្យល់ថា៖ ការដាក់កែវទឹកដែលមានគម្របដូចគ្រាប់ពេជ្រចរណៃបែបនេះ មិនមែនជារឿងធម្មតានោះឡើយ ពោលគឺវិធីការពារខ្លួនកុំឲ្យមានមនុស្សអាក្រក់ប្រើវិធីធ្មប់ ឬអាគមដោយបញ្ជាសត្វស្លាបចង្រៃពាំថ្នាំពុលទម្លាក់ក្នុងកែវ។ ម្យ៉ាងគម្របមានពន្លឺចាំងៗដូចគ្រាប់ពេជ្រពីលើកែវនោះ គឺតំណាងពន្លឺឫទ្ធីបារមីដើម្បីការពារនិងបន្លាចសត្វស្លាបឲ្យខ្លាចមិនហ៊ានមកជិត។
លោកតា កៅ សារ៉ន ព្រឹទ្ធាចារ្យថែរក្សាគម្ពីរស្លឹករឹតនិងសៀវភៅបុរាណនៅបណ្ណាល័យជាតិបានឲ្យដឹងថា មកទល់បច្ចុប្បន្នជំនឿលើមន្តអាគមនៅតែមានលើផ្នត់គំនិតប្រជាជនខ្មែរមួយចំនួន មិនថាឡើយអ្នកធំ ថ្នាក់ដឹកនាំប្រទេស អ្នកមានអំណាចនានា ពួកគេត្រូវតែមានជំនឿ និងការពារខ្លួនជាមុន។
លោកតា លើកឧទារហណ៍ជាកស្ដែង យើងអាចសង្កេតមើលទម្លាប់របស់នាយករដ្ឋមន្ត្រី សម្ដេច ហ៊ុន សែន នៅពេលថ្លែងសន្ទរកថានៅកន្លែងណាក៏ដោយ សម្ដេចតែងមានកែវទឹកមួយឈ្មោះថា កែវពេជ្រចរណៃ នៅក្បែរខ្លួនជាប់ជានិច្ច។
ពាក្យចាស់ៗតែងនិយាយតគ្នាថា៖ អាគមផ្សំអាយូស
